رواية حب صباي الفصل السابع 7 بقلم مرج البحر
قد يعجبك ايضا
باهره : بعد ما ضهرت برائتي ابويه كال بعد مالج كعده بالقرية ولازم تبعدون منها و زوجج ما لازم يسافر بعد ويعوفكم راح ابويه اتوسط لزوجي بدائره الكهرباء حتى يتوظف وفعلا الحمدلله جت الوظيفه وانتقلنا عل الناحيه واستقرينا اهناك وصار وضعنا المادي زين بس ماانسى بنات كلما اذكرهن اترحم عليهن وابجي وبعدها الله رزقني ب حنين كانت يوم الثلاتاء 10،،،12،،،،2008 الساعه 10 الصبح والحمدلله صحتها كلش زينه صحيح اتونس وياها بس ماانسى اخواتها الماتن ودائما اتذكرهن ومرت اكثر من 3 سنوات والله رزقني ب قتيبه اخر العنقود صار هم 10،،،، 12،،،2012 وهم ايخبل من جماله والحمدلله صحته زينه وجميل حيل وكانت حياتي شبه سعيده مع اولادي بس زوجي يظل ايسوي علاقات واني تاركته عل مزاجه ولا احسابه ابد بس كنت اكوله ازوج احسن من علاقات الحرام ايكول اذا مااحسن منج ماازوج ابد كلت احسن من الحرام مع العلم اني اقوم بواجبه بما يرضي الله ولامامنعه من حقه الشرعي ابد بس گلبي مو اله ابد
ومشت الايام واجه اليوم المأشوم
وفاتت الدواعش بسنه 2014 ورجعنا عل الماسي والحزن القتل بشبابنا العسكريين وفقدنا 16 شباب من خيرت شبابنا ومن ضمنهم اولاد عمي يونس الي قتلوه ويكولون عبالنا ضابط استخبارات وهو محاسب مدني واخوه الثاني يوسف بس مو زوج اختي هم قتلو وجنا انخلص فاتحه ونبي الثانيه
وبيوم اختي توام روحي رفاه صارت اتخاف عل ابنها عسكري وشكل عدها مرض دائما تنزف وتراجع دكتورات وبعدين كالو انشيل بيت الرحم لان متأذي وفعلا صارت العمليه وكلت لزوجي اروح احضر عميله اختي ورحت ومن وصلنا احنا خواتها يمها ومسكت ايدي كال
وبيوم اختي توام روحي رفاه صارت اتخاف عل ابنها عسكري وشكل عدها مرض دائما تنزف وتراجع دكتورات وبعدين كالو انشيل بيت الرحم لان متأذي وفعلا صارت العمليه وكلت لزوجي اروح احضر عميله اختي ورحت ومن وصلنا احنا خواتها يمها ومسكت ايدي كال رفاه : خيتي امانه اذا صار شي ديري بالج عل اولادي
باهره: مع العلم كلهم اكبار كلت خيتي ان شالله تكومين بسلامه وماكو شي ودخلت للعميله وطولت اكثر من ساعه ونص واني كنت اقرا قران وادعيلها الله يشفيها والحمدلله طلعت النا بسلامه بس الدكتوره كالت انطوها جرعه كيميائيه بس الدكتور مانفذ وبعد اسبوع رجعت عل بيتي وبيقت اكثر من ست اشهر واختي صحتها تتراجع ال ورا وماكو تحسن واني مااروح للموصل كل سنه او بالاعياد
بس كنت دائما اتصل عل اختي واتطمن عليها وكنت اسالها عل زاهد هم شفتي سمعتي شي اتكول من فاتو الدواعش الناس اتفرقت ومعرف وين صارو كنت اتمنئ اسمع اخباره
وبعد سنه ونص من مرض اختي امي دائما تتصل اتكول ماتجين بس مشكلتي زوجي يكول ماتروحين واتعوفين اولادج بس اكو اتصال بينا وفي يوم ال12 رمضان،،، 2017 اتصلت اختي كالت ماتجين رفاه مو زينه كلت اكيد اجي كالت يوميا بالمستشفئ واحنا معاها وهم زوجات اخوان زوجها احنا انكول سلفتي بلغه المصلاويه يم خطيه تعبن وياها وماقصرن وكلت لازوجي ابومصطفى رفاه ايكولون موزينه اريد اروح عل الموصل كال
شاهين: خلي اشوف بلجي اخذ اجازه واوديكم
باهره: وبليل نمت وشفت زوجته ابويه الثانيه طبعا هي ماتت قبل اكثر من عشر سنوات شفتها بلحم تبجي من كعدت حسيت گلبي اقبض وكعدت كلت لشاهين انروح اليوم وصلني وارجع
وفعلا مشينا بعد السحور ووصلنا بال7 الصبح ومن فتت ماشفت رفاه شفت عجوز منتهيه هزيله المرض غير ملاحم وجهها الحلو بس بجيت وحضنتهااتكول
رفاه: مابيا شي عليش تبجين زينه
باهره: اني بگلبي اكول يازينه خيتي انتي ماظل شي من ملامحج وفرحت من شافتني كانت ببيت حماها وبقيت عندها وكمنا سبحنها اني وبنتها واتشاقه وياها اكولها دشداشتج حلوه كالت لبنتها
رفاه: يمه اغسليها وانطيها لخالتج
باهره: لاحياتي امبارك عليج
رفاه.: لا والله الي تاخذيها
باهره : وجا المغرب وصار الفطور وفطرنا وتعللنا وضحكنا وجا الدكتور وشافها كال لحماها اذا صبحت الدنيا وهي ماميته بعد ماتموت من سمعت الحجي بس ابجي بس محد يعرف وصار وكت السحور وتسحرنا جاب حما اختي عصير كيوي واختي اول مره بعد مامرضت اتحب شي بس هل المره كالت
رفاه.: اشكد طيب اريد بعد
باهره: كال حماها اشربي واجيبلج النوب وصلينا الفجر وكلمن راح عل فراشه بس اني كاعده يمها وامي نايمه قريبه علينا وحجينا بالماضي واشكد كانت ايام حلوه وبعدين كالت
رفاه : باهره ضهري ايوجعني افركيه الي
باهره: وكمت افرك واقرا كالت
رفاه: اتحبني باهره
باهره.: انتي نور عيني وتؤام روحي اشلون مااحبج
رفاه : ادعيلي والله تعبت
باهره : خطيه من ينطونها الجرعه اتظل عشرين يوم متوجعه كلت يارب بجاه كل اسم سميت نفسك بيي ارحمها برحمتك الواسعه ماحسيت ال جسمها ارتخئ وحطت راسها عل كتفي كالت
رفاه : اذا متت امانه خواتي انتن غسلني
باهره: كملت كلامهه وابتسمت ابتسامه تاخذ الروح كلت اتشاهدي خيتي بس حركت اصبعها ودعتني بعيونها بس كلت لااله الا الله بصوت مخنوك فزت امي اول وحده كالت شكو كلت يمه اختي ودعتنا الي رب كريم وصرخت امي وكعدو الكل بناتها 3 وابنها وحضنوها مع العلم هي لسه حاظنتني كال ابنها خاله انوديها عل المستشفئ كلت ابني ماتت كال عفيه خاله لاتكولينها واني ابجي متعود گلبي عل الكسرات ياربي والله مابيا حيل ياللهي بشر اني معد اتحمل وصرخت بصوت ولكم اختي تؤام روحي ماتت بين ايدي وعل كتفي يارب سامحني بس مصيبه والله ورحنا ودينها كال الدكتور هاي ميته كال ابنها ابوس ايدك لاتكول ميته كال والله عجوز كلت دكتور اكبر مني وشوفت صورتها واتخبل كال الله يساعدكم والبقيه بحياتكم وطلعنا ورجعنا للبيت والتمو الناس وجن خواتي يصيحن وايكولن سنه ونص احنا معاها اتريد ال خضنج اتموت بي اشكد اتحبج عجل واني ضايعه وابجي عل السكت بس كلبي مكسور كسره جبيره بس الله يعرفه
فزت امي اول وحده كالت شكو كلت يمه اختي ودعتنا الي رب كريم وصرخت امي وكعدو الكل بناتها 3 وابنها وحضنوها مع العلم هي لسه حاظنتني كال ابنها خاله انوديها عل المستشفئ كلت ابني ماتت كال عفيه خاله لاتكولينها واني ابجي متعود گلبي عل الكسرات ياربي والله مابيا حيل ياللهي بشر اني معد اتحمل وصرخت بصوت ولكم اختي تؤام روحي ماتت بين ايدي وعل كتفي يارب سامحني بس مصيبه والله ورحنا ودينها كال الدكتور هاي ميته كال ابنها ابوس ايدك لاتكول ميته كال والله عجوز كلت دكتور اكبر مني وشوفت صورتها واتخبل كال الله يساعدكم والبقيه بحياتكم وطلعنا ورجعنا للبيت والتمو الناس وجن خواتي يصيحن وايكولن سنه ونص احنا معاها اتريد ال خضنج اتموت بي اشكد اتحبج عجل واني ضايعه وابجي عل السكت بس كلبي مكسور كسره جبيره بس الله يعرفهوبقيت الفاتحه اكثر من 10 ايام واخذت اولاد اختي ورحنا عل بيتهم واكيد يوميا الحزن مخيم علينا وبقيت عدهم شهر وبعدين رجعت لبيتي بس الكسره البگلبي بس الله يجبرها
ومشت الايام وحزن اختي يوميا ينعاد عليا واكول يارب اخاف من وراي ماتت لان دعيت الها وبعدين اكول هذا امر الله واستغفر
وداعش اتمركز بلناحيه الي احنا بيها وقتل الاف الناس البريئه و ابني تيسير كان يكرهم بشكل مو طبيعي يروح لسوريا ويجيب فحم ومعسل وجكاير عل قصدهم ويبيع يوميا يطاردونه بس ينهزم منهم بكل شجاعه ومايخاف منهم
وبيوم صارت مشكله بين ابوه واحد من الدواعش وقتلو ال خلص عليه شالوه جنازه لاايد ولارجل وكالو لشاهين بسيطه الك اذا مادمرناك يتواعد
بيوم دكو الباب وكالو انريد تيسير كلت ليش اتريدونه كالو استفسار وطلع تيسير كال يمه لاتخافين ماكو شي واخذوه بس كلبي نار هذولا كفار مايهمهم احد يقتلون ولايرف اله جفن وضاكت بيا الدنيا وطلعت من البيت بعد 4 ساعات من اخذو ابني وكلت لابوه كال
شاهين: ماعليا ان شالله يذبحونه لا تورطيني وياهم
باهره. ٠: كمت اصيح عليه لاتكول هيج هذا ابني وشاهين خاف منهم ماعدهم رحم ابدا ورحت اسال الدنيا ليل من مكان لمكان وعرفت هو يم الشرطه وفتت عليهم كال الجبير مالهم شتريدين
باهره.: ابني وينه
ابنج انحقق معاه وبين نطلعه
باهره: عليش تحقق وياه شمسوي هو
سارق دراجه من بيت وشفنا
باهره : يابيت هي دراجته اشتراها بتعبه. منو مبلغ عليه اريد اشوفه
ليش ماعدكم رجال يجي انتي جايه
باهره : كافي انتم زلم كدرتو عل طفل عمر 16 سنه
ابنج سارق
باهره: اتخسي انت ومن وراك ابني من طفل يشتغل ب500 دينار حتئ مايحتاج لاابوه ونفسهم عزيزه مايمدونها للحرام وصارت مشاجره بينا وطردوني واني اتحسب عليهم وهو يكول
لاتتحسبين حجيه
باهره: اكول هسه وبعد حسبي الله عليكم ياظلام ورجعت والناس تحجي عليا توكلي عل الله بس اني روحي رايحه ابني بين ايدهم ورجعت عل البيت وحجيت عل زوجي كال
شاهين: مكدر اسوي شي يذبحونا اثنينا
باهره: وكمت ادور واسط مرت عشرايام واني بس ابجي وادعي كل الليل جارتي يجن عندي ايكولن ام مصطفى كطعتي كلبنا ولج نام ارتاحي واني النوم والزاد فاركوني وحلفت ماابدل اذا مايطلع ابني ومضت 15 يوم وهم ماكو خبر يجون ولد الحرام ايكولون باجر يقصون ابنك ويجيبونا جنازه واني الوب وادعي ومره بليل اقرا قران كلت يارب اذا ابني سارق ان شالله طياره تقصف المكان ومايطلع منه شي واذا برئي يارب خلصوا من ايدين الانذال وابجي بعلو صوتي بحوش اكعد الدنيا صيف وهم مااريد البيت نفسي ماظل بي جت جارتي كالت ام مصطفى الله عليك كومي اسبحي واتعوذي الشيطان خلي عينج بعين الله
باهره: والنعم بالله بس والله روحي انشلعت والله مكدر افكر باي شي غيره ياربي لاتختبر صبري والله اني ضعيفه وانت القوي يارب ودعت تيسير بخزائن واداعئك وعندك لاتضيع الودائع....
يتبع....
الثامن من هنا
