رواية حب صباي الفصل السادس 6 بقلم مرج البحر
قد يعجبك ايضا
باهره : بعد اسبوع اسمع صوت بالقريه يحجي
ايكول بنت عمكم مو شريفه واسعد يفوت
ويطلع يمها وانتم نايمين ورجليكم بالشمس
وصارت سيرتي عل كل لسان بس اسعد ابن
خالي شال الرشاش وكال بنت عمكم اشرف
منكم ونفسها عزيزه
ورجع زوجي وحجوله اهله وكالو طلقها بس
اول مره يوكف معاي وكال
شاهين: اعرف زوجتي نفسها عزيز وماتتنازل لااحد اني زوجها واعرف طبعها والكل اتخلو عنا اهله كلهم
باهره : وسمع ابويه وجا من الموصل هو واولاد عمي الي علمني عل السلاح يونس اغلئ من اخواني واخويه ابن ابويه علي وصارت هوسه وسحبوني وكالو لعباس ال اتبوس القنادر بس بسيطه وخذوني عل اهلي وعفت ورايه اربع اطفال يبجون وبس دانيا جانت طفله ترضع ويونس كال هاي خطيه وبقيت يم اهلي اربع اشهر وزوجي يجيب اولادي واخويه يطردهم يكلهم اني راضي بزوجتي حتئ لو مو زينه ماعليا بلناس كال يونس ال اكسر خشم عباس والناس تعرف انها مظلومه وفعلا جت زورات عل يونس ومايقبل ال جاعباس وكال اني ماشفت عليها شي بس النسوان تحجي ليش ايفوت عدها واحنا بقريه يعني البيت مفتوحه مو مثل البلد بيوت مسدوده بس لانه حقير وموخوش انسان جا عل يونس وكال والله هي ذهب وبنت حموله وتصبر عل الضيم بس بعد ماشوه سمعتي الكلب وقبل مارجع بيوم اخذني ابن عمي يونس عندهم وكال اني اوديها عل القريه بليل كال اريد احجي وياج وصعدنا بغرفه فوك اشويه وجا اخويه ابن ابويه سشايل صونده وقفل الباب وظل يضرب بيا حتئ انتهيت من الضرب ويونس واكف يحقق عندج علاقه باحد كلت والله بغلات ابويه ماعندي بس ظلموني
وبعد مانتهيت من الكتل وجسمي كله ازرق عافوني وجت اختي الازغر مني وحضنتني وتبجي وتدعي عل عباس جنت كل فتره اني هم اهلي ماانام ابجي عل اولادي ومره اذان الفجر كلت يارب مثل مااحترك گلبي عل اولادي احرك گلب عباس عل اولاده وثاني يوم اخذني يونس عل القريه حجئ مع عباس وكدام الناس كالت بنت عمي الي يوصل يمها اكسر راسه وهي اشرف من الشرف وفتت عل اولادي بعد غياب وبعدها اتقرب علينا يونس كال
يونس: بنت عمي اعرفج نظيفه
لو اشك واحد بالمئه اذبحج بس حبيت اخليج عبره حتئ لاتخلين كلب يفوت بيتج بعد كال يونس اطلع علي اخويه وزوج اختي بس هو بقئ وحضني عل صدره كال لاتزعلين خيتي اعرفج بريئه بس حتئ لاتنسين ال يأذوج ابد ومااردت اني اضربج لان احبج مااكدر امد ايدي واعرفج اصليه وبجينا اني وياه وطلع وثاني يوم جوا ناس عل يونس وعباس معاهم واعتذر وفعلا باس قندرة ابويه وكال اعذروني صدكت بحجي العالم وظلمتهاورجعني يونس عل القريه بسياره وكال مااقبل احد يفوت عل بنت عمي و اليندك بحايطها ال ذبحه عل ايدي ورجعت بيتي وعل اولادي جان اصعب لقاء وبس يبجون وبليل جاء يونس وكال ل شاهين اخر مره اتعوفها هل المره لو وراها 10 اطفال اطلكها منك رجع عل الموصل
.
.
.
مشت الايام
وعشت ايام مع اولادي زينه بس گلبي ينزف من السالفه وقاطعت حتأ اهل زوجي لان وكت المشكله ايكولون طلقها وكرهت كل القريه ماعد بيتين جانو يوكفون معايا وبعد شهر ابويه جاء زياره عليا واحنا كاعدين نتغدا اني وزوجي وابويه واولادي سمعنا صياح وطلعنا نباوع انشوف نار تركض والناس تركض وراها حتئ يطفونا وعرفنا بنت عباس عمرها 16 سنه احتركت وشالوها عل المستشفئ
اللهم لاشماته وثاني يوم البنت ماتت وسووا فاتحه الها وقبل مايدفونها جاء عباس عل ابويه وزوجي كال ماتندفن اذا ماتجون وباس راس ابويه وجاء عليا عباس كال سامحني هذا خطاج انتي كلت اني مااتشمت بالموت بس انت مااسامحك ال احاسبك يم رب العباد وكلت لابويه وزجي روحو احضرو الدفن وفعلا راحو وعباس ماقبل ال زوجي ينزلها بكبرها واني رحت سلمت عل امها وحضنتني كالت سامحنا هذا بسبب ظلمناج كلت الله يسامحكم بس عباس ماابري الذمه ابد ورجعت عل بيتي وهم مااروح عل احد والكل يوميا يجون نسوان يتعذرون واكول كلمن صدك انشالله يحترك كلبه....
.
.
بعد 4. سنوات
شرف عل حياتي عبد العزيز صار يوم الخميس،، 1،،،1،،،2005 الساعه 5 المغرب كان ايخبل من جماله وفرحت بي بس اني كلما اولد واحد اظل خايفه من الموت وجان عمر 40 يوم ووارتفعت حرارته كلش واحنا بقريه لا يمنا مركز صحي ولا مستشفئ وحفت عليه ونمت وحلمت اني ادعي يارب بس لايموت عبد العزيز من يصير عمره سنتين اصوم وفزعت من الحلم وكلت يارب كل سنه عل ميلاده اصوم 5 ايام لوجه الله بس لاتكسر گلبي والحمدلله كبر ومثل الورده وبعد سنتين حملت برفيف صارت 21،،،1،،2007 يوم الثلاثاء الساعه 3 ونص الفجر بس تعبت لان دائما ولدتي متعسره واجيب بالقريه قابله عاديه ويوم بعد يوم اتصير اجمل من قبل وخفت وگلبي لعب كلت لاخواتها هاي البنيه مو الي بنت اخره والبنات ايكولن يوم اتعوذي من الشيطان وصار عمرها شهر والصبح ابوها راح عل الناحيه عنده شغل ورحت اخلي اكل لدجاجات مالتي لان سويت بستان صغير ازرع خضروات واربي دجاج والحمدلله جنا ناكل من تعبي ورجعت وشفت رفيف وجها اصفر جسمي كله رجف ودب الخوف بگلبي ومن لمستها وانها ميته وصرخت يمه رفيف بنتي وكعدو اخوانها عل صياحي والتمو اهل القريه واتصلو عل زوجي ورجع ولكها ميته والناس عدنا مليان البيت واني حاضنها وابجي واخذها ابوها بوسها وغسلوها وكفنوها وراحو دفنوها يمه شنو ظل مابيا انكسر دخيلك ربي والناس تصبر بيا بس اني الي فقدت بنتي قطعه من گلبي استغفر الله العظيم واتوب اليه ياربي لاتلومني هاي بنتي 
.....
..... 