رواية حب صباي الفصل الخامس 5 بقلم مرج البحر
باهره : وصلنا المستشفى دخلو الطورئ اجه
دكتور كال شنو بي كتله على سوايت ابني
دخل اسفعه
والحمدلله عدت سلامات
.
.
.
.
.
رجعنا للقريه رجعت الشغل الحلال وزع
بس حزني على بنتي ابد مانسيتهه وكنت كل يوم
اتذكرهه وابجي عليهه بعد ايام
كمت احس بتعب هم طلعت حامل
وعبرت 9 اشهر حسيت الله راد يعوضني
منسه واكف حزني ورزقني بنت ملاك وفعلا ملاك كان يوم الاربعاء الساعه 10 ونص بليل يوم 1،، 10،،،1998 عوضني منسه مع العلم كلما احضنها اذكر اختي وابجي وكلما تتمرض اموت الف موته اخاف لا هم ياخذها القدر مني اطب مستشفئ الي ان اتصير زين والحمدلله اتعافت وكبرت ومره رحت لااهلي زياره لان اشتاقلهم كل سنه اكثر اروح عليهم ومن وصلت بيومين اختي الجبيره كالت سمعت زاهد مات
اهنا اسودت الدنيا وحسيت بدوخه قويه ودموعي نزلت كلت عفيه لاتكولينها كالت خالد جيرانا كالنه اني اتخبلت لاياربي دخيلك والله ماريد كلشي بس انه الخبر كذب وفتت بلغرفه ملخت نفسي واختي تحجي عليا وكمت اتصلت عل بيتهم وطلعت امه وماحجيت وبعدين اتصلت بعد نص ساعه وطلع اخوه بسام وسالته عن زاهد وميته من الخوف كال موجود فرحت ومااكدر اكول سمعت انه ميت انطاني زاهد وسلمت عليه بس حسيت غصا،، بگلبه كال
زاهد : ايمت جيتي
باهره : صار يومين
زاهد: ليش مااتصلتي
باهره: تعرف اول مااجي خواتي يلتمون وهو هاتف ارضي مو مثل الموبايل تروح بمكان وتتصلين براحتج
زاهد: اريد اشوفج صار سنه انتي ماكو
باهره: والله دمرني الشوك 
بس شسوي الحر لو وكع بشبكه مايلوي
بس شسوي الحر لو وكع بشبكه مايلوي زاهد: باهره فراس مات
باهره: لاتكولها زاهد شلون مات
زاهد: كتلو غدر 
باهره اخويه راح غدر
باهره اخويه راح غدر ونكسر ضهري
باهره : انقهرت حيل وبجيت فراس هم غالي عليا واحبه مثل اخويه الزغيركلت البقيه بحياتك صار شكد من مات
زاهد : صار اكثر من شهرين
باهره : الله يرحمه ويحسن اليه شد حيلك
صح الاخوه غاليه وما لومك بس هذا امرك الله
زاهد وين اشوفك
زاهد: باجر تعالي بعد الظهر اهلي معزومين ببيت اختي واني مااروح حتئ اشوفج
باهره: نلتقي باجر وكنت مشتاقه اله حيل ذبحني الشوك والله اشكد بعيده بس جذب مااكدر انساه لو لحظه ومانمت بليل بس اريد تصبح الدنيا الوقت مايمشي خليت اولادي ورحت عندي صديقه بلمنطقه كلت اروح اشوفها ساعه وارجع ورحت احس گلبي يمشي قبل رجليني ومرتبكه وطائره اريد بس اصل اكوباب من الفرع مو عل الشارع الرئسي مادكت الباب وفتحو ابتسم رغم اعيونه مليانات دموع وحزن اكيد عل اخوه وطبنا
قد يعجبك ايضا
زاهد: دخلي مااكو احد
باهره: فتتنا بالاستقبال وراح جاب ماي وجاي كلت مااشرب بس طمني عنك
زاهد: الحمدالله زين انتي شلونج وضعيتج
باهره: مثل مااني ماكو تغيير عوفك مي فراس اشلون مات
زاهد: هو جان يشتغل بالغرفه واخذته نومه النومه واكو سلابه دخلو وغدرو بي
باهره: يسولف وبجئ هو كاعد قريب عليا اني هم بجيت واندار عليا كال
زاهد: محتاجج حيل وماكدر مااضمه ماكدر مااحضنج لصدري واطفي شوكي الي صاير بركان عليه
باهره.: اخذت بين ايدي وضمته ضمه مال امه مفاركه ابنها وضمته حبيبها دمرها الشوق والتقيت بي خلئ راسه عل رجليني وامسح عل شعره
زاهد: والله فعلا محتاج لهذا اللحظه
باهره : اتعدل ومسك وجهي وكال
زاهد : اعذرني باهره بس مشتاك
باهره.: ماحسيت ال شفايفه عل شفايفي وحسيت بعالم بعيد عن الناس بس اني وهو اول مره ايبوسني واني كنت محتاجه حضنه وكان كلما يسحب نفسه يرجع يحضني وبوسني ال كلت زاهد اتاخرت اريد اروح واني بداخلي جذب جنت اتمنئ اسوي كلشي معاه لان هو حبي وانحرمت منه ماحسيتها خيانه لان مااحب زوجي ولا اطيقه بعيشتي كولو اني مو خوش اداميه بس والله اول مرة يبوسني وكنت مستعمته معاه والله غفور رحيم والله كنت اصلي واقرا القران بس ماكدرت اقاوم الشوك بداخلي يصرخ بكل لحظه اريده بكل جوارحي وطلعت من البيت وناسيه گلبي عنده الي مايدك لغير ولانفسي تشتهي غير حضنه 
وصلت البيت اهلي اني طبعي من افرح اغني وصوتي حلو كنت اغني،،،، ظلمتو بالوصف لمن وصفتو،،، حبيبي اشكد حلو بس مانصفتو،،،، احسه بروح وبگلبي والعيون،،، احلئ من الحلو لو ماتصدكو،،،، احسبيه الخجل لو راد يحجي،،،، من ينحرج يرجف يظل يبجي،، مو عزيز ترفاك،، احس بروح رجفاك ،، اغنيه سيناء مطربه قديمه
كامو خواتي ها باهره العيون مليانه فرحه نعرف هل الطبع من اتغنين
باهره: شفت عمري بشارع وسلمنا عل بعض ياولن متت اتمنئ اضمه بنص الشارع من شوكي اااه لحظات سجلتها بتاريخ حياتي اول مره احس بسعاده حتى لو قربي منه حرام ربي انت تعرف بحبي اله سامحني عل غلطي كان يوميا يجي عل بيتنا عدنه الترك خلف البيت ونظل انسوالف لحد الفجربس والله مااصار بينا غير القبلات
وبعدها رجعت للقريه ورجع ريمه لعادتها القديمه زوجي يظل ماشي هل المره كام ايروح لسوريا خلصن نسوان الموصل وصار ايروح عل سوريا عل الاساس يشتغل واحنا انظل بلا مصرف ولامسواك واني عندي اربع اطفال وولدين وبنتين ومن يرجع اكول وين شغلك ايكول بعد مانطوني وكله جذب وحملت بعد 5 سنوات ب دانيا مواليدها 3،،،،11،،،،2003 يوم الاثنين الساعه 11 و10دقايق شرفت عل الهم والقهر بلحياة عندهم اب مايهتم بعائلته بس يفكر بنفسه كلما اكول شاهين والله بليل اخاف بيتنا صاير اخر القريه اخاف من ذيب شي اني مرة وجهالي ازغار ايكول ماعليكم شي اطباع اهل القريه تختلف عن الموصل عندهم نفس دنيئه يحسبون كل النسوان بلا كرامه او يبيعن نفسهن لخاطر الفلوس كان ايستغلون المرة ويطمعونها بالفلوس وحاولو معاي بس الحمدلله مانزلت عكال ابويه لو اموت من الجوع وكان واحد من عمام ابويه نذل فوك ماتتصورون. من يغيب زوجي يجي مرات عل البيت واسمع منه كلام مثل انتي حلوه وحرامات شاهين يعوفج ويمشي واني اثولها اكول رجال بال60 اكيد خرفان وهم خواته يصيرن حماوتي ماخذات اخوان زوجي ومن ايشوف احد يمدح بيا بس يعيبن كان بيت ابن خالي يعني ابن عم امي وضعهم المادي زين ويظل يجيبون لااولادي مسواك ولحم من يذبحون ودائما يتفقدون احوالنا احسن من اهل زوجي عاد القريه مفتوحه مو مثل البلد ابيوت ابواب مقفله واسوار عاليه ناس اتشوف ناس من يجي ابن خالي علينا يشوفون مع العلم مصطفى عمر 12 سنه ويفتهمون اولادي وبنتي نبا 11 سنه وتيسير عمره9 سنوات وكلهم اذكياء ماشالله وملاك 6 سنوات ودانيا 4 اشهر بس الانسان ياخذ بنفس ماهو طبعه وجاء عليا وطلب طلب وصخ ينطيني ورقه مقابل نفسي وطردته من البيت وكلت راح اكول لزوجي عل سوالفك كال
بسيطه اني الج
باهره: بس ماجنت متوقع حافرين حفره الي اني من انام اقفل الابواب لاامان اكعد الصبح اشوف اوراق تهديد ال ادمرج او اخليج علك بحلوك الناس بصراحه صارت عندي ردة فعل وخفت ورحت عل بيت ابن خالي ابن عم عمي وحجيته السالفه كال لاتخافين بنتي اني يوميا اجي ابات عدكم هو رجال بالسبعين
يوميا يجي بعد العشا ويباتوالصبح بعد ال8 يروح عل اهله وظل شهر خطيه يروح ويجي بس الرسائل معد تجي الظاهر حسو ان خالي يبات يمي مره كلته خالو لاتجي والله عايفه عجوزك وتجي خليها عل الله ووصئ ولده يراقبون البيت بليل ويشوفون منو يبعث الرسائل ويوم كعدت الصبح ولكيت رساله مكتوب بيها كربت كسرت خشمج احتفظت برساله وبعد الضهر جاء ابن خالي وحجيتله السالفه وشاف الرساله كال هذا الخط مال واحد مايعرف يكتب حيل حجئ لابوه ابن عم امي كال اليوم ابني انت بات عدهم وفعلا بات يمنا والصبح من طلع شاف ابن عمام ابويه واكف ومعاه اثنين ابن عم ابويه اسمه عباس وكال شعندك بايت كال اكو ناس اتهدد باهره وابويه طلب مني ابات احميهم كالو لا انت حبيبها وتنام يمها وصارت عركه وسمعو اهل القريه بلحجي زوجي المصون بسوريا وجاء ابو الولد وكال اني كلته اكو ناس تهددها الناس الي يفتهمون عرفوا لعبه عباس القذر والي مثل عباس كام يشهر بسمعتي
يتبع....
السادس من هنا
