رواية حب صباي الفصل الرابع 4 بقلم مرج البحر
وطلعت من يمه فراحنا بشوفته وكل ساعة
ابوس مكان ايدي الي كتب عليهه
بس لاتتهموني اني خاينه لزوجي والله
هو الحب الوحيد بگلبي
وومشت الايام وصرت اشوفه من بعيد مرات نتلاكه من قريب بس نظرات مانحجي. وزوجي يوم يشتغل وعشر ايام كاعد وصار موعد ولادتي اتعذبت حيل 15 يوم اني بالمستشفيات ايكولون سبحان الله عدها ولاده بس تعاني من ضيق وما ولدت ال شفت الموت 
وبعد معانات صار عندي ولد ابويه سمه مصطفى عل اخوه وبقيت 5 ايام ماابوع بوجه اكول مو حلو 
اسمر عل ابوه وضعيف اعيونه اكبار اخاف من اباوع عليه وجدتي ام امي اتكول رضعيه لايترك صدرج واني معرف امسكه
اسمر عل ابوه وضعيف اعيونه اكبار اخاف من اباوع عليه وجدتي ام امي اتكول رضعيه لايترك صدرج واني معرف امسكهكانت ولدته 1،،،،1،،،،1992 يوم الاحد الساعه 7 و20 دقيقه وبدت اهتم بابني وزوجي صار يشتغل باعمال حره ويروح عل الملاهي ويبقئ يوم يومين مااشوف وجهه وصار مصطفى عمره 3 اشهر واتمرض حيل واني اسكن يم اختي الجبيره اخذتني يمها كال تكعد باهره عندي بالطابق الثاني طبعا اختي هاي ربتني من اني طفل وزوجها يعتبرني بنته وحيل يحبني وفعلا بعد ولدتي انتقلت يم اختي وعشت ويا عائلتها بكل حب زوجها مايقبل ياكلون اذا مااجي اني
وزوجي ملتهي بعلاقاته
وزوجي ملتهي بعلاقاته اتمرض ابني واستحي احجي ووصل للموت طفل مايتحمل وشافت اختي ورزلتني كالت اني بمثابة امج ولج ليش ماتحجين وكامت هي وزوجها اخذوني للمستشفئ وخلو مغذي لمصطفى فاقد السوائل واتعالج والحمدلله صار زين وزوجي ولاعبالك عنده مره وطفل من اختيي تشكي لابويه عل وضعي يتعاركون هو وامي وايكول ظلمناها اتكول شمدريني يسوي هيج واني اتمرضت امراض نسائيه ومكدر ارضع مصطفى وسبحان الله يجي زوجي ينام مره يصير حمل
حملت للمره الثانيه وتعبت وبجيت كلت يارب مااريد اطفال كلما اسوي مانع حمل سبحان الله احبل كانه ربي العالمين ايكول اني اخلق الروح مو انتي والنعم بالله صار عمر مصطفى سنه وشهرين وشرفت نبأ 31،،،1،،،1993يوم السبت الساعه 6و20 دقيقه جانت حلوه ملامحه وحنطاويه عليا مو عل ابوها اسمر وماحلو 
فرحت بيها وبدت اربي اولادي الي هم اغلى من الدنيا اروح زياره عل اهلي مشي مو بعيد عن اختي اشوف زاهد يم بيت اهله يوكفني ايكول بس احجي معايا مااريد بس اسمع صوتج وفعل كمت اخابره ونحجي من ماكو احد بالبيت احب اسمع صوته انحرمت من حضنه هم صوته لا اظل احجي واتمنئ الله يسامحني لان هو حبي الي مااتخلئ عنه رغم جرح الي نجرحته
مرت ابويه اتظل تتجنبني اتخاف لااحجي وافضحهابس احنا ابويه ربانا عل الستر والاسلوب الطيب مع الناس
وزوجي مثل ماهو يشتغل ويعوف شغله واني زوج اختي ايكول باهره انتي بنتي ربيتج من اولادي تاكلين من النص وتكعدين بالطرف انتي واولادج علما يعقل زوجج والبشر اذا شب عل شي شاب عليه مايتغير حتى مره بالسوك صاحبه الشغل شافنا بالسوك وسلم علينا وعرفني بيه رجال جبير بالعمر بس امبين الايمان عل وجهه كال لخاطر زوجتك واطفالك بس ابقى سنه انشتريلك هذا البيت البيت طبع يم مدينه الالعاب طابقين كلش حلو بس زوجي الله يسلمه بس يصير عنده كم فلس ايروح عل الملاهي مايشرب طبعا بس ايموت عل النسوان يوميامع وحده علاقات مااتخلص اني ماجنت اغار لان مااحبه بس ينطيني مصرف الي وللاولادي مايهمني
ومشت الايام بتعب وهم وقهر بس شسوي
عندي اثنين وبعد اكثر من سنتين حملت بتيسير الابن الثالث شرف عل الدنيا وزادت فرحتي بي لان حسيت اني انتهيت بس من اشوف زاهد صدفه گلبي يدك تيسير جاء ابيض مدنفش حلو حيل 1،،،10،،،،،،1995 الساعه الثالثة الفجر يوم الاثنين من جماله فرحت حيل بيه وصرت اهتم باطفالي عادي اكل مااكل المهم هم
بس زوجي يجي ايروح نفس الشي صار تيسير عمره 6 اشهر وسمعو اهل زوجي بابنه عديم المسؤاليه وجت امه رجعتنا للقريه كالت تكعد هي واولادها تاكل وتشرب مع العائله وفعلا رجعت عل الاقل اولادي عد اهلهم مو اختي وزوجي مبتلين ومشيت من بيت اختي الجبيره ودعتهم
ورجعت للقريه واهله امه وخواته معاملتهم ابد مو زينه بس اتحمل لخاطره هل اللكمه اولادي ياكلونه عمتي تشوفني الويل هي وبناتها ومااحجي وكام زوجي يشتغل بتهريب عل سوريا ياخذون جكاير ويجبون جكليت وشالات حرير ويبعون بالموصل وصار زنگيل وفرحت كلت ان شالله استعدل زوجي والفلوس كومه وكام بنئ بيت بالقريه من طين طبعا غرفتين وهول واستقبال ومطبخ وحمام بس العمال كملو البيت واني اشتغل الباقي تنظيف اي نقص بالبيت اني اكمله وبهل الاحدات هم طلعت حامل اكيد راح اتكولون بنزونه لو ارنب بس والله كلما اروح للدكتور اجيب مانه حمل واستخدمه بصوره دقيقه بس الله كاتب هل الشي وانتقلت لبيتي الجديد مو بعيد عن اهل زوجي خطوتين بس نت اتعب واني حامل وهو بس يمش مايساعدني بشي وصارت منسه 29،،،،،،9،،،،،،1997 الاربعاء الساعه 12 ونص ليلا بس دائما ولادتي متعسره شكد ماجسمي ضيق وكلهم طبيعي بس اتاخر بالولاده حيل وشرفت منسه عل الدنيا وفرحت بيها وبجمالها عاشت 3 اشهر واني جان عدنا عمال يلبخون الاستقبال وبالساعه 8 الا ربع فتت احضر ريوك للعمال وصرخت منسه عبالي تيسير ضربها او شي بس ماكو الاولاد نايمين وهي شكلها ماعجبني وصحت شاهين تعال شوف مسره معرف اشبيها جا وقبل لا يمسكها كال
شاهين: لا اله الا الله انا لله وانا اليه راجعون هاي ميته
باهره : يممممممه لا لا لا يمه بنتي لا عفيه
لا تكولهه بنتي مابيهه شي هسه سمعتهه بجت
والله مابيهه شي شوفه شو شوفهه ولج يمهههههه
قد يعجبك ايضا
ماحسيت غير ابن عمي بضهري وحضني ولك خويه لا بنتي ما ماتت. والله هيه مابيهه شي يارب دخيلك لاتشل گلبي 
بس بلا فائده بنتي ميته معرف سبب موتها وغسلوها ابوها وعمامها وكفنوها واني اصرخ بنتي والتمت القريه عليا والنسوان اتصبر بيا بس ياصبر بنتي فلذت كبدي يارب لاتلوعني باولادي وابجي واخذوها حتى يدفنوها واني اجر بيها لاتاخذونا امانه كلبي يوكف واولاد عمي ايكولي
هاي قسمتج وامر ربج
واني اصيح وابجي يارب عايشه لخاطرهم
يارب دخيلك كلشي ولا اولادي لا اعتراض على امرك بس اني ام دخيلك يارررررب
وظليت انوح وابجي بس بلا فائده جاء ابويه وامي عل القريه وظلو 10 ايام واخذوني اني واولادي للموصل استقبلني خواتي بالبجي
ويهونن عليا مصيبتي واختي الجبيره تكلي
باهره انتي قويه ومؤمنه هذا امر الله سلمي امرك ل ربك وهيه هسه طير بالجنة يله خيتي قوي نفسك الخاطر اولادك
باهره: خيتي مو بيدي انزف گلبي ومااكدر اتحمل
ولج والله همه مصبريني على حالي
وبقيت عند اهلي شهر وبهل الشهر اتصل زاهد وعزاني ببنتي
وطلب ايشوفني مادام زوجي مو معايا وفعلا رحت عليهم عل البيت جان بس هو زوجه اخوه الجبير استقبلوني وكعدنا حجينا
زاهد: باهره حبيبتي شدي حيلج لا تسوين بنفسج هيج هيه طفلة وراحت يم رب كريم هاي راح تكون لج شفاعة يوم القيامة حبيبتي كافي تبجين
شوفي حالج والله كلبي يتوجع عليج لا تشلعين كلبي اكثر
باهره : جان يصبرني عل مااصابي واني ابحي هم بنتي وهم اليواسيني حبيب عمري وماحسيت ال هو بقربي وحضني عل صدره حسيت فعلا محتاجه حضنه حيل بس حضنه وواسني قلبني عل راسي
زاهد: يله حبيبتي انت قويه لاتضعفين انسي الحزن وانسي البجي وعيشي حياتج اولادج محتاجينج واني هم لا تكسريني
باهره: بقيت ساعه ورجعت للبيت يوميا تاخذني اختي اتونسني طبعا اني خواتي المزوجات اربع اكبر مني كل يومين وحده تاخذني عدها واليوم عزمتني ضمياء اختي الثالثه بيني وبينها لمعان اكبر مني بس ضمياء جانت اسرارنا مشتركه وداأما انفضفض لبعض كل خواتي غاليات بس هي احسها تؤامي بيتنا شبه بس هي احلى تشبه اديبه المطربه العراقيه بس اختي بيضه وخشمها احلى وبقيت يمها يومين الاولاد يلعبون ومصطفى شاف اسرنجه مال ابره وسحب ماي من الاوساخ وضرب بنت ضمياء برقبتها ورمت الطفله واني اتخبلت عيطت ملخت نفسي ياربي راح تموت وينشلع گلب اختي مثل گلبي واخذنا للمستشفى.......
يتبع.....
الخامس من هنا
