رواية تزوجت حماي الفصل السابع والعشرين 27 بقلم عائشة الدليمي

رواية تزوجت حماي الفصل السابع والعشرين 27 بقلم عائشة الدليمي 

قمر ــــــ تاكلني

كنان ــــــ اوف ربي طفله بليتني بحبها اني الشايب

قمر ــــــ هئ

كنان ــــــ ماشبيج ياحبيبتي

قمر ــــــ شوهت وجها

كنان ــــــ ماشوهتها اني اعرف شسوي قمر اني مو اليوم والبارحه بالتعذيب هاي صارلي سنين بالتحقيق والكتل اعرف شسوي يوم يومين ويطيب وجها والعلامات اتروح

قمر ــــــ هئ

كنان ــــــ كافي بجي

قمر ــــــ ماگدر ابقى وياك كنان

كنان ــــــ هاي وين ردينه قمر وين ردينه

قمر ــــــ انته اكثر من مجرم

كنان ــــــ شايفه لو مشتكين عليها شيصير بيها يسوون اكثر من هيج خل ادبها على ايدي عود بعدين اعوفها بحالها

قمر ــــــ تريد تقنعني

كنان ــــــ لتحجين لخاطر الله

قمر ــــــ سكتت رجعنه للبيت جان مخدش وجها صعدت لغرفتي ورا فترا اجه نام مر ثاني يوم التحق جان الخدوش مو قويه اني فكرته شگ وجها خابر مارديت عليه خابر مرا ثانيه رديت

كنان ــــــ اركضي على غرفه جيهان خربي كلشي وتعالي

قمر ــــــ ليش

كنان ــــــ احرگي البيدها بسرعه

قمر ــــــ ركضت لغرفتها لگيتها مدري شتكتب عالوصله اخذتها منها ورحت للمطبخ شعلتها واخذت القلم

جيهان ــــــ جيييبييي

قمر ــــــ ماجيب وخري عني كنان جاي بالطريق وخري

جيهان ــــــ جيبييي

قمر ــــــ روووحييي،،، تكاونه هيه تضربني واضربها اخير شي وگعتني بالگاع حسيت حراره نزلت ضليت صافنه ومصدومه

جيهان ــــــ هههههه تستاهلين لانج خربتي كلشي

قمر ــــــ دم

جيهان ــــــ شنو حامل ومتدرين

قمر ــــــ گمت اصيح على صياحي عمتي وعمي اجم عمتي جابتلي رداء لبسته ورحنه للمستشفى جنت صدگ مسقطه الطفل الصارله اقل الشهر رجعنه للبيت وركضت عليها جريتها من شعرها صرت ماشوف من حرگه گلبي عمتي هدتني ورحت ارتاحيت نمت بعدها گعدت لگيت كنان گاعد يمي ومقهور

كنان ــــــ الحمد لله على سلامتج

قمر ــــــ الله يسلمك

كنان ــــــ شلون صرتي

قمر ــــــ زينه

كنان ــــــ الله يعوضنه

قمر ــــــ امين

كنان ــــــ يالله اني رايح رجعت اطمنت عليج

قمر ــــــ كنان

كنان ــــــ نعم

قمر ــــــ ابقى يمي

كنان ــــــ اي اني يمج

قمر ــــــ گعد خليت راسي على رجله دنگ باس راسي

كنان ــــــ حبيبتي لتنقهرين الله ماقاسملنيا

قمر ــــــ صدگ اتشوف انته

كنان ــــــ لا

قمر ــــــ شعرفك جاي تسوي سحر

كنان ــــــ اكو كامرت بغرفتها زغار

قمر ــــــ مو اگول

كنان ــــــ اي

قمر ــــــ ايمته يخلص هالوضع

كنان ــــــ يخلص عن قريب بس خل اخلص دوامي وارجع ارجعلها گلب ثاني اخبلها اخليها من اسمها اتخاف بس اصبريلي

قمر ــــــ وشتستفاد

كنان ــــــ اخليها تنمي (تبطل وتخاف)

قمر ــــــ اي وين الجهال

كنان ــــــ يم امي

قمر ــــــ اي

كنان ــــــ احبج

قمر ــــــ احبك

كنان ــــــ شگد

قمر ــــــ اكثر من ماتصور

كنان ــــــ حتى اني احبج

قمر ــــــ حبيبي

كنان ــــــ نعم

قمر ــــــ اريد ارجع اداوم

كنان ــــــ والجهال

قمر ــــــ صلاح يداوم و عمر يم عمتي و نيار يم عمتي

كنان ــــــ مو وكته الحجي

قد يعجبك ايضا

قمر ــــــ لا وكته

كنان ــــــ ابد مو وكته ماجايه المدرسه بعدها

قمر ــــــ

كنان ــــــ شلون ذبيتي الطفل اقصد شلون وگعتلجيا

قمر ــــــ تكاونه ودفعتني ووگعت بقوه ونزل الطفل

كنان ــــــ اي

قمر ــــــ اي

كنان ــــــ يالله اتعوضيني عنه عالشتويه

قمر ــــــ كنان مو عندك دوام روح هسه يتعصبون منك

كنان ــــــ ها صار بيها اطرد

قمر ــــــ لا مو طرده لا

كنان ــــــ اي صحيح

قمر ــــــ كنان

كنان ــــــ عيون كنان شبي حبيبي

قمر ــــــ

كنان ــــــ اوف والله اريد انقل دوامي اهين

قمر ــــــ وين

كنان ــــــ قريب اقلها اگدر اجي اشوفكم

قمر ــــــ علواه

كنان ــــــ اي

قمر ــــــ بكيفك حبيبي هسه شگلت عالمدرسه

كنان ــــــ من الاخير عوفي هالموضوع ماكو مدرسه

قمر ــــــ كنان الله عليك

كنان ــــــ شگلتلج يولي

قمر ــــــ هئ لتحرمني

كنان ــــــ مو هسه جيبيلي بنيه وبعدها داومي براحتج

قمر ــــــ

كنان ــــــ اني اروح ماريد اكاونج مع السلامه

قمر ــــــ الله وياك حبيبي

كنان ــــــ عيونه لحبيبج انتي احبج

قمر ــــــ واني احبك،،،، راح اجت جيهان گمت وعفتها ضلت اتلاحگني بوجهه الشماته،،،، شستفدتي من كتلتي روح بريئه كتلتي طفل توه يريد يجي للدنيا شتحسين من تأذين شتحسين من ماعندج گلب تحزنين ولا تفرحين بيه ولا تحسين مثل البشر شتحسين من انتي ملعونه من البشر و من الملائكه ومن الله الخلقج بس گوليلي شتحسين اريد اعرف احساسج لهالدرجه سهل حقج ماعندج اطفال متحسين بحرگتي ،،، اتغيرن ملامح وجها وصفنت شويه وبعدها گالت

جيهان ــــــ اني مادري ابطنج طفل

قمر ــــــ خسرت ابني بعد شيفيدني تبريرج انتي ميهمج جذابه جنتي اتسوين سحر تا اتخربيني اني و كنان مو

جيهان ــــــ لا جنت اسويله على مرض لان عذبني

قمر ــــــ هههه هذا الحاربتيني بيه هسه تريد تتخلصين منه تخلصتي من كنان بس الله شلون تتخلصين من عقابه وعذابه ماتوبين انتي

جيهان ــــــ عليش اتوب

قمر ــــــ جيهان ترا الدنيا گصيره لا تغرج حاولي تتغيرين ترا كنان تزوجج بس علمود تتغيرين ومتحلفلج بس يرجع من الدوام وانتي ادرة بكنان شگد ضالم

جيهان ــــــ عيوني اني عاجبني وضعي اسويلكم سحر اسويكم خدم جواي بس مادري ليش ماجاي تتسهل عليه

قمر ــــــ لان الله حامينه و من الله يحمي عبده لو يجتمع الانس والجن على ان يضروه مايضروه ولا بذره

جيهان ــــــ

قمر ــــــ بدال هالثگل البصدرج والخوف التحسين بيه وكت التفكير وبدال هالعميان الانتي بيه و الجذبه التقنعين نفسج بيها ارجعي لربج انتي عايشه بجذبه وانتي ادره الناس اولج تاليج ميته اني انصحج تقرين سورة طه

جيهان ــــــ ماقرا قرءان

قمر ــــــ القرءان يثبتلج الدين الصح يثبتلج المنهج الصح

جيهان ــــــ

قمر ــــــ اعتزلي ماكنتي تفعلين شلج بالعذاب عذاب الدنيا ولا الاخره يولي

جيهان ــــــ كافي

قمر ــــــ بكيفج،،، شغلت قرءان سورة طه بالبيت وصارت تسمعها اكثر من مرا اتضوج من القرءان بس غصب عنها تسمع ضليت يوميه على هالحاله اشغلها ويوميه اطب لغرفتها اخاف تسويلنه سحر

فد يوم فتت بليل لغرفتها لگيتها تبجي،،،، جيهان

جيهان ــــــ مامسويه شي اطلعي

قمر ــــــ ليش تبجين

جيهان ــــــ شيخصج انگلعي لو تريدين الخج بجني يخبلج

قمر ــــــ اعتبريني صديقتج واحجيلي اعتبريني اختج

جيهان ــــــ گلتلج اطلعي

قمر ــــــ ترا عادي الواحد يغلط و عادي يتوب ان الله تواب رحيم الله يحب العبد التائب يحب اليعرف ذنبه

جيهان ــــــ روحي ولضلين تفلسفين براسي روحي

قمر ــــــ رحت گعدت يمها ضلت اطرد بيه،،، انتي ليش تبجين

جيهان ــــــ ليش مابجي

قمر ــــــ اني فكرتج متحزنين مثلنه

جيهان ــــــ روحي

قمر ــــــ عيب تطردين

جيهان ــــــ و عيب اطبين دون استأذان

الثامن والعشرين من هنا

تعديل المقال