رواية تزوجت حماي الفصل الثامن عشر 18 بقلم عائشة الدليمي

رواية تزوجت حماي الفصل الثامن عشر 18 بقلم عائشة الدليمي 

ام كنان ــــــ منو المتصاوب افتحو الباب

كنان ــــــ الله يصگعج يقمر

ام كنان ــــــ افتحو الباب افتحو كنان اوليدي بيك شي يمه كنانن

كنان ــــــ هههه لا يمه مابيه شي وداعتج

ام كنان ــــــ عجل شو افتح الباب

كنان ــــــ جاي ابدل يالغاليه شيلي الملابس بسرعه

قمر ــــــ شلت الملابس اخذ شالي لفه على بطنه ولبس فالينه عليه فتح الباب وسلم على امه وباس راسها

ام كنان ــــــ شنهذاك الدم بالگاع

قمر ــــــ هاي اني جرحت اصبعي بالسجين الجهال خلوها بالگاع وكنان گالي عجل اني مو تصاوبت و ماصارلي شي وانتي من الجرح سويتيها مصيبه

ام كنان ــــــ وجهج مصفر شو شوفينياه خاف غميج

قمر ــــــ لا لا هاي لافته بالشال شوفي

ام كنان ــــــ انطيني السجينه لتأذيلها احد

قمر ــــــ مادري مادري صارت جوا الجربايه

ام كنان ــــــ شو ارفعي شالج

قمر ــــــ لا ماكو شي

ام كنان ــــــ دم على دشاشتج من يم ارگبتج وجتفج وخري الشال شفته

قمر ــــــ من اصبعي عمه هئ

كنان ــــــ يالله امشي خل اويدج اتضمدينه يالله

ام كنان ــــــ انته مستضرطني يكنان اني مو جاهل اتألفون عليه هالقصص هاي

كنان ــــــ يمه من الاخير اني تصاوبت و صارلي اسبوع من تصاوبت وهسعين الحمد الله مابيه شي بس اني اگلج غيرت التاير واحتمال لان شلته نزف الجرح

ام كنان ــــــ يايمه يهالعثره يالهالصگعه منين اجتك الطلقه يايمه يايمه

كنان ــــــ يمه شوفيلي جني الحصان شوفيلي مابيه شي

قمر ــــــ هئ شنو مابيك شي

كنان ــــــ اهو خليني بضيم امي يالله كافي كلشي مابيه وحتى هسه اسبح وابدل واروح لبيت عمامي على ابويه

قمر ــــــ على ابوك ابوك هوا يجي،،، استغرب من طريقتي بالكلام گال وهوا رافع حاجبه

كنان ــــــ واريد اسلم على عمي

قمر ــــــ على عمك لو بنت عمك

كنان ــــــ ترا سمعتج ست قمر اثگلي عود

قمر ــــــ ضجت لان فشلني وخنگتني العبره فوگ ما اغار عليه مو صوجه ولا اني الخبله المن سمنت و اهتميت بنفسي تايشوفني حلوه ويحبني

ام كنان ــــــ گمر

قمر ــــــ ماردتها اتشوفني واني ابجي عفتها ورحت عالمطبخ غسلت بمي بارد سويت عشى

ام كنان ــــــ رجلج يناديج امشي شوفي

قمر ــــــ ميحتاج اروح

ام كنان ــــــ شنو ميحتاج يناديج مدري شيريد منج

قمر ــــــ ميريد مني شي بس انتي تا اتراضينه شفتي اشلون يهين بيه

ام كنان ــــــ هوا نادالج والله فلا اجذب عليج

قمر ــــــ ماروح اني ماروح بمزاجه اضحك اضحك ابجي ابجي

ام كنان ــــــ راح تنكتلين تراج

قمر ــــــ لا رحت رحت بس لا النعال والله رحت اخ رحت عمه والله يمعوده انعالج صاوي ياذيني،،،، ركضت للغرفه لان اريد ابدل لو ما ابدل جان انهزمت برا

كنان ــــــ مو صارلي ساعتين انادي عليج

قمر ــــــ نعم

كنان ــــــ اكويلي قميصي

قمر ــــــ اني

كنان ــــــ لا جدي

قمر ــــــ جدك ولا

كنان ــــــ ولا شنو

قمر ــــــ هيج،،، فتحت الاوتي وعدلت الملابس وبديت اكوي حضني انصدمت وخلى راسه برگبتي

كنان ــــــ اني اسف اتعصبت عليج بس ماحب اتشكين بيه شلگيتيني شادلي اگرون تا اروح اللوجف على عرضي هذا بنات عمي والكلمه التمسهن اتمسني

قمر ــــــ ماقصدت هيج

كنان ــــــ عجل

قمر ــــــ اني اسفه

كنان ــــــ لا تعتذرين

قمر ــــــ

كنان ــــــ حلو اسمي بحلگج

قمر ــــــ احبك

كنان ــــــ شبيج

قمر ــــــ اني شخبلني اگله احبك والله زلگت من. اللساني اتوترت وگلبي صار يدگ اربع دگات سويه

كنان ــــــ قمر

قمر ــــــ اني اسفه والله مو بقصدي

كنان ــــــ مو بقصدج شنو

قمر ــــــ مو بقصدي اضوجك هئ

كنان ــــــ اضوجيني على شنو

قمر ــــــ هئييييئ

كنان ــــــ ليش تبجين شنو داعي اله هالبجي

صلاح ــــــ ماما نيال ضلبني

قمر ــــــ وانته اشبيك بيه اتخلي اخوك الصغير يضربك لتضل هتر شد حيلك

كنان ــــــ لا لا لتشجعينه على هيج شي اني اول مرا اشوف ام اتحرض على ابنها

قمر ــــــ صلاح هم ابني

كنان ــــــ لا اتعصبين بوجهي يولي لا لا

قمر ــــــ انته اتعصبني ليش صلاح مو ابني

كنان ــــــ اي يابه على كيفج معصبه بس حقج اتريد اتغيرين هذاك الموضوع

قمر ــــــ موضوعيش

كنان ــــــ ههه احبك

صلاح ــــــ واني احبك بابا

كنان ــــــ هههههههههه ياروح ابوك بوسه

قمر ــــــ احمريت عفتهم وطلعت،،،، تعال

نيار ــــــ اى ماما

قمر ــــــ ولماما يوليدي ان شاءلله ليش مديت ايدك على اخوك الجبير بعدك يالله عمرك سنه

كنان ــــــ هههه اجيتي تتفششين بنيار يولي

قمر ــــــ متت من الخجل عفت نيار ورحت للمطبخ اجت عمتي تضحك

ام كنان ــــــ شگايله لابني تا هيج فرحان إن شاءلله تحركتي

قمر ــــــ متت من الخجل وضليت ساكته

ام كنان ــــــ بلكت حامل وهيج فرحان

قمر ــــــ لا لا ماصارلي اربعين يوم من جبت عمر لا لا

ام كنان ــــــ عجل

قمر ــــــ بالغلط گلتله احبك

ام كنان ــــــ ليش انتي ماتگوليله احبك حبيبي عمري حياتي

قمر ــــــ ييمه يعمه الله عليج اسكتي لا يسمعج والله عيب

كنان ــــــ ما اني سمعت

قمر ــــــ صديت ورايه

كنان ــــــ والله ييمه جفاف لا احبك ولا حبيبي ولا بطيخ حتى ماتناديلي اله ابو صلاح

قمر ــــــ بخجل،،، وانته اتسميني ام نيار

كنان ــــــ ههههههه ترا صارلنه قرن من مزوجين شبيج مستحيه مني عبالك مخطوبين

قمر ــــــ دنگت راسي و خجلي زاد

ام كنان ــــــ عجل حگي ازوجك اذا عايش كل هالجفاف حگي

كنان ــــــ اي والله ييمه شوفيلي ابنيه حلوه

قمر ــــــ ضجت ندست عمتي

ام كنان ــــــ احم ترا من صدگ احجي والبنيه موجوده

قمر ــــــ اي واني اهلي هم موجودين

كنان ــــــ انتي لا كلشي وگلتي اهلي لتخربين اللحضات مو تويتج اعترفتي اتحبيني و خجلانه مني وشحلاتج

قمر ــــــ ع اساس انته التحبني ابو صلاح متحبني

كنان ــــــ انتي لازم تقهريني مترتاحين اذا اتشوفيني فرحان يمه اني طالع لبيت عمي لتنتضروني عالعشى وابويه راح للسوگ هوا يجي

ام كنان ــــــ اي ييمه

قمر ــــــ راح ولزمتني عمتي حاصل وفاصل

ام كنان ــــــ ها ارتحتي شنو صعد عندج هورمون الحقاره

قمر ــــــ مو اتريد اتزوجينه وهوا ميحبني عليش عجل

ام كنان ــــــ لا لا ميحبج بس طار من الفرح من عرف بيج اتحبينه

قمر ــــــ ملاحضه عليه يسوي هيج بس تا ما اروح لاهلي واعوف الجهال ميحبني ودوم يرزلني بس يخاف لا اروح لاهلي و يلطف جو و روحاته كثرانه لبيت عمه شعنده

ام كنان ــــــ والله انتي مسوده حياته واذا تزوج عليج مايلام بيج لا تهتمين اله لا شي

قمر ــــــ عفتها ورحت اجه بليل

قد يعجبك ايضا

.....

التاسع عشر من هنا

تعديل المقال