رواية تزوجت حماي الفصل السابع عشر 17 بقلم عائشة الدليمي
ابو كنان ــــــ گول يالله يبو گمر البنيه عدها تلث جهال وين اتعوفهم واتروح و بعدين مستقرا ومزوجه ورجلها يحبها واحنه اتعودنه عليها وهيه متعوده علينا و الجهال ميستغنون عنها شلون تريد اتطلگها وترا مايصير تطلگ دون سبب وان ابغض الحلال عند الله هوا الطلاق
قمر ــــــ ضل يحجي وابويه يقنع ابو كنان وابو كنان يقنع ابويه ضل عالغدا وللعصر و ابويه وعمي يتفاهمون واحد يقنع بالثاني برأيه و ثنينهم مصرين على ارائهم اجه كنان سلم وگعد فتحو الموضوع جدامه ريسا دحگلي وطير اعيونه اني متت من الخوف
كنان ــــــ عمي منو گالك مو متفاهمين واني مريتي واحبها ماستغني عنها وجهالي ماگدر استغني عنهم وطلاگ ماطلگ قابل شصار تاطلگها
قمر ــــــ ضل يحجي وياه ابويه سألني ضليت ساكته ابويه ضاج لان فشلته لا گلت اي ولا گلت لا رادو من عنده يبقى عالعشى ماقبل رحت لغرفتي اجه هوا
كنان ــــــ شمدري اني وياج بينه حواجز وجفاف ها شمدري
قمر ــــــ هوا من ذيج النوبه
كنان ــــــ اش لتحجين لا لا
قمر ــــــ سكتت اجت عمتي لعبت بيه طوبه بس كتل ماكتلتني
ام كنان ــــــ صوجي احترمج انتي مو مالت احترام انتي مالت واحد يهينج تدللتي علينه هوايه وطابلج الوضع
قمر ــــــ عمه والله
ام كنان ــــــ اش ولا حرف انتي من الاساس ماحاولتي تصلحين البينكم لان عاجبج اتزوجين واحد بگدج ترا ابني بعده جاهل عمره يالله 32 سنه
قمر ــــــ اني مو على عمره و ابو صلاح والله ونعم منه والثلت انعام بس ذيج الفتره من ردت اروح وياه هوا گال من يطيب الطفل ويوعى انطلگج منه
ام كنان ــــــ واتطلكين شسوين يم اهلج يم زوجات اخوانج اتلگطين صون وجذب محد يتحمل ضناج يوم يومين يملون ويدزوهم النه و حتلو ابوج وامج مو دايميلج تبقين خدامه لنسوان اخوانج
قمر ــــــ كلامج صح واني ماگدر اتخلى عن صلاح
ام كنان ــــــ لوما كنان جان رحتي ماگلتي لا بس صوجي اني رخيتلج الحبل ومددتلجيا
قمر ــــــ اه عمه شسوين
ام كنان ــــــ اذا مالگيتي تربايه من اهلج اني اربيج
قمر ــــــ اخذتني عالمخزن المخزن مليان غراض ومدعول ويسمط سمط انشويت صرت اصيح وبالربع ساعه واني جوا انسلگت سلگ
كنان ــــــ گمر موجوده اهين
قمر ــــــ الله يخليك راح اموت افتحلي
ام كنان ــــــ عوفها خلها اتأدب شويه
كنان ــــــ يمه شمسويه بيها طلعيها
ام كنان ــــــ عوفها خلها تتأدب تا تفكر مرا ثاني اتعوف ضناها وترجع تعيد احساباتها
كنان ــــــ يمه ياحسابات تحجين عليها طلعيها هالطفله طلعيها مراهقه متدري مصلحتها وين وين مخليه المفتاح
ام كنان ــــــ هذا
قمر ــــــ فتحلي انهرت بالبجي
كنان ــــــ يمه سالگه البنيه سلگ ههههه بالتدريب العسكري ماسوو بينه هيج هههه لتبجين بابا روحي اسبحي لا تروحين عالهوا ويتشنج جسمج وتمرضين
قمر ــــــ رحت للحمام سبحت وطلعت
كنان ــــــ اني اعتذر على تصرف امي بس تريد مصلحتج
قمر ــــــ
كنان ــــــ يالله اني طالع محتاجه شي
قمر ــــــ تسلم ابو صلاح
كنان ــــــ الله يسلمج
قمر ــــــ راح اجت عمتي هزت ايدها
ام كنان ــــــ اهمداج ضلي ابو صلاح وابو صلاح ليما تخسرينه
قمر ــــــ متت من الخجل من گالت هيج گعدت عمتي وجرت ايدي دحگت بوجهي و غمضت عين وخلت عين عبالك تضربني سونار بعدين فتحت عيونها وصغرتهن،،،،، ههه عمه شجاي اتسوين
ام كنان ــــــ عمت عينج شاربج ينحلف بيه اعلى من شارب كنان وله الحواجب عبالك حاجب واحد عمت عينج على هالاهمال طايحة الحض الزلمه ميريد يشوف مريته حلوه
قمر ــــــ ميحتاج اصلا هوا يگلي احسج طفله وانضلمتي ويايه
ام كنان ــــــ اي اي بس لا حاط عينه عليها و جاي يسلج عليج
قمر ــــــ منيه منيه الحاط عينه عليها منيه
ام كنان ــــــ اي راح من ايدج بعد مايفيدج
قمر ــــــ شكو عمه الله عليج صاير شي اني مادري بيه
ام كنان ــــــ شايفه بنت عم كنان جيهان
قمر ــــــ اي
ام كنان ــــــ حاطه عينها عليه
قمر ــــــ اي اي جيهان على وزن كنان و كنان مايحب بس الاساميهن يشبهن اسمه اني ماحبني لان اسمي مايشبه اسمه
ام كنان ــــــ عمتتتت عييينننج مررراههقههه
قد يعجبك ايضا
قمر ــــــ خنگتني العبره
ام كنان ــــــ هاي فايت قطارها عمرها 35سنه و عدهن عادي حتلو شايب گرگمه هم يقبلن بيه
قمر ــــــ لا مترهم ريحتي گلبي الله ينطيج هاي اكبر من كنان ب3سنوات
ام كنان ــــــ فكرج يهمهن لا حبيبتي بس ازلمه ميگولن لا واني ماحبهن گاطعات و رديات ف اگضبي ازلمتج لا يضيع منج
قمر ــــــ راحت ورما نصحتني انهو لازم اسمن و لازم اهتم بنفسي ثاني يوم رحت حفيت والله طلعلي وجه وصرت حلوه وگمت اكل حلويات و اكل شلگه اكل اريد اسمن واصير حلوه ماريد تجي عليه ضره اريده الي وبس اريد اثبتله انهو اني مو مراهقه واني گد المسؤوليه هوا التحق خابرته وگلتله حروح لاهلي وافق بس يوم واحد شسوي بي اليوم الواحد المهم ماريد ازعله مني رحت ورجعت من رجع جنت امسح الكراج اجه مبتسم والفرحه مو سايعته
كنان ــــــ سلام عليكم
قمر ــــــ وعليكم السلام الحمد الله عالسلامه ابو صلاح
كنان ــــــ الله يسلمج ام نيار
قمر ــــــ ام صلاح
كنان ــــــ ههه ام صلاح
قمر ــــــ عسى دوم هالفرحه فرحنه وياك
كنان ــــــ خطبت
قمر ــــــ
كنان ــــــ هههه شبيج بهت لونج اتشاقه بس حررنا منطقتنه بس للاسف بيتنه واگع
قمر ــــــ الف الحمد الله و البيت ماعلي شرها هوا اوله تاليه واگع غادي گرگمه
كنان ــــــ وين امي وابوي
قمر ــــــ شبي صدرك كنان دم شبي
كنان ــــــ دم؟
قمر ــــــ اي اي اي
كنان ــــــ اش اسكتي ليسمعونج امي وابويه مابيه حيلهم اسكتي
قمر ــــــ فات ورحت وراه طب للغرفه دحگ للجهال
كنان ــــــ اخذيهم واطلعي
قمر ــــــ ليش ليش
كنان ــــــ يعني بربج دم من يشوفونه الجهال ينخبلون طلعيهم
قمر ــــــ طلعتهم وسديت الباب
كنان ــــــ لا انتي هم اطلعي
قمر ــــــ ماعوفك مستحيل
كنان ــــــ تتحملين اتشوفين
قمر ــــــ اي
كنان ــــــ مو طب ولنج واگعه ترا املخج
قمر ــــــ لا يمعود لا
كنان ــــــ ترا اوخر الضماد
قمر ــــــ اي اي،،، نزع قميصه و فتح الضماد بطنه كلها دم
كنان ــــــ زعم صارله اسبوع
قمر ــــــ ماحسيت اله دوخه احتلتني و اذني صوفرت
كنان ــــــ قمر قمر قمر
قمر ــــــ گاعده گاعده
كنان ــــــ دختي هههههه ارفعي رجليج
قمر ــــــ رفع رجليه تا اشويه ارتفع ضغطي
كنان ــــــ ههههه شاف لون ادم واصفر لونه
قمر ــــــ حضنته
كنان ــــــ اخ بطني بنت اللذينه
قمر ــــــ انته تنزف
كنان ــــــ اي عجل مو اتصاوبت
