رواية دلال وشهم الفصل السادس 6 بقلم جمانه السعيدي
ثاني يوم كعدت الصبح صادف يوم جمعه
لكيت خاله بلمطبخ
دلال صباح الخير
اقبال صباح الورد على الورد
دلال خاله محتاجه ملازم وحده كيميا وحده انكليزي
موجودات بلمكتبه بس منو يروح وياي اني وحدي ما اكدر اطلع تفرغين اليوم وترحين وياي اجيبهن
اقبال اليوم عندي كومه شغل لان عمج راشد باجر ينزل
دلال شلون كلش محتاجتهن عدنا امتحانات
اقبال شويه ويكعد شهم بلكت هو ياخذج وتجيبيهن
دلال زين اساعدج بشي
اقبال لا ماعندي شي حتى الريوك كمل هسه اكعد عمتي اريكها حتى تاخذ العلاج
دلال خل اني اكعدها بمكانج
اقبال روحي كعديها
جمانه السعيدي
دلال دخلت للغرفه امشي على كيف بيبي نايمه على الجربايه وشهم فارش فراش بلكاع ونايم
دلال بصوت ناصي بيبي بيبي حبيبتي تكعدين تتريكين حتى انطيج العلاج
الحجيه أي اني كاعده
دلال صباح الخير
الحجيه صباح العافيه
شهم واني نايم سمعت دلال تحجي ويه الحجيه فتحت عيوني لابسه تراك وردي القميص طويل وفاتحه شعرها وخاله طوك واكو عطر حلو وهادء صار بالغرفه من دخلت
دلال يله حجيه خل اساعدج حتى تروحين تغسلين اليوم انتي احسن
الحجيه الحمد لله احسن
شهم كعدت وكفت على حيلي حتى اساعد امي تروح تغسل
شهم صباح الخير
دلال صباح الخير الحجيه صباح العافيه ياعيوني
وكفت قريب عليهن ودلال وكفت امي ولزمته من اديها
شهم عوفيها اني اخذها تغسل
دلال اني متعوده عليها
راسا امي لان بسرعه وكفت مالت على دلال ودلال ماسيطرت
عليها لان امي شويه سمينه
اني ردت الزم امي حتى لاتوكع قربت اسندها جان تصير دلال بحضني واني لازم امي من ورا دلال
يعني دلال بحضني واني ما لازم دلال اني لازم الحجيه وساندها لاتوكع
ودلال هم لازمه امي بس امي وكفت وسيطرت سحبت ايدي حتى دلال تطلع من حضني
حسيت دلال انحرجت من الموقف ودنكت
واني راسا درت من الجهه الثانيه ولزمت امي ودلال من الاحراج عافتها وطلعت
بس عطرها بقه بخشمي
جمانه السعيدي
طلعت امي للصحيات وشويه واجت اقبال لحكتني وكالت
عوفها اني اكمل
اقبال اني واكفه واجت دلال خاله روحي البيبي اني ماكدرت اساعدها وشهم مايعرف واني اكمل بمكانج
دلال صرت بموقف مآ انحسد علي اول ما كامت الحجيه
داخت وماسيطرت على الوكفه ومالت عليه واني ماكدرت اسندها
ما احس آله شهم من وراي وسندها واني صرت بحضنه
بس شني تخربطت انحرجت متت جمدت ومآ اعرف شلون اطلع من حضنه
بس دار ولزم الحجيه اني شردت ودزيت خاله تكمل بمكاني
شهم بس اقبال اخذت امي مني اني رحت جبت ملابسي ودخلت للحمام سبحت وبدلت وطلعت لكيتهم مجهزين الريوك
كعدنا نتريك واني كلساع ابوك نضره سريعه من دلال
وهي مدنكه وتتريك ومآ رفعت عينها ابد
اقبال شهم شنو عندك شغل هسه
شهم ماعندي اي شي اريد اروح للسوك اجيب كم غرض محتاج ليش
اقبال مو دلال محتاجه ملازم من المكتبه وشغلات تخص الدراسه تكدر تأخذها وياك
شهم اي عادي اخذها اشتريلها وراجعها
دلال هااا لا انته جيبلي وياك ما اريد اعذبك واروح وياك
شهم ليش تعذبيني قابل راح اشيلج على ضهري
اقبال هي تريد مكتبه معينه هي بيها ذني الشغلات يعني مراح تفتر وتتعب تأخذها كبل للمكتبه تشتري وترجع
قد يعجبك ايضا
شهم يله خل تحضر نفسها واني رايح ابدل وانتضرها
اقبال يله اذا خلصتي كومي بدلي
دلال خل اشيل الاكل واغسل المواعين
اقبال اني اشيلهن بسرعه بدلي ولاتعبين الولد
دلال اي رايحه ابدل وانزل
جمانه السعيدي
صعدت للغرفه ولبست تنوره طويله كريمي وقميص اسود وستره كريمي وشلت شعري ستوته ولبست حذاء فلات اسود وخليت شويه باودر وكحل ومسكاره
يعني شي بسيط وخليت معطر ونزلت
لكيت شهم مبدل واكف ينتضرني
لابس بنطرون جينز وبلوز رصاصي وتركوازي بس يخبل علي
شهم نزلت من فوك بس شني عبالك السفيره عزيزه
رغم بساطة لبسها بس حيل انيقه
وحسيت شكلها مميز
ما اعرف ليش اذكرت بلحضتها لمن شافت المخبل وحضنتني من ركبتي وهي تبجي وماتقبل تعوفني
شهم كملتي نطلع
دلال اي كملت
طلعنا اني ويا وهو سابقني بخطوه بس شني المشيه هيبه
ومشيته مميزه يمشي فارد صدره ورافع راسه
تحسه مسيطر وكانا يملك العالم كله
شهم تمشي بصفي واني كل اشويه اباوع عليها بس بدون ما التفت ابوك نضره سريعه
ردنا نعبر الشارع حتى نصعد بلخط
اكو هواي سيارات كلما نريد نعبر هي تخاف وترجع
اكثر من اتلث مرات عادتها
التفتت عليها ولزمتها من ايدها وعبرنا الشارع
مآ اعرف ليش من لزمت ايدها حسيت هي ملكي او مسؤله مني
رغم اني من زمان وقبل ١٣ سنه كنت يوميه الزم هاي الايد الصبح واوصلها للمدرسه
صعدنا بلخط وكعدنا وهي لازمه جنطتها وخالته بحضنها
باوعت عليه واشرلتي على لحيتي
مسحت لحيتي وكتله شنو
مدت ايدها وشالتها كلنسه زغيره صايره على لحيتي
انطتنياها وبتسمت
واني لا اراديا ابتسمت على ابتسامتها
نزلنا قريب المكتبه ومشينا شويه ودخلنا
جمانه السعيدي
سلمنا على ولد صاحب المكتبه وهي كالتله على الملازم الي
محتاجتهن
كال عدنا بالمخزن هسه شويه واجيبهن
بقت هي تفتر بلمكتبه واني امشي وراها اخذت دفاتر واقلام
واني اخذتلها اقلام جاف واحد كان توه داخل بي اربع اللون
وشفت مداليه حرف D اول حرف من اسمها
شويه واجه الولد طلعت فلوسها من الجنطه
واني خزرتها واشرلتها رجعيهن
حاسبته واخذنا غراضنا وطلعنا
دلال عمو ليش ماخليتني ادفع عندي فلوس
شهم موعيب عليج هيج تكولين اني شنو شغلي بعدين هنا فلوسه مايسوون ابد
شهم هسه اني محتاج مساعدتج
دلال مساعدتي اني شلون
شهم آريد اشتري قماش حلو لامي لو ثوب واني ما اعرف اريد تساعديني
دلال اوكي اتفقنا
دخلنا للسوك وبقينا نفتر اكو ثوب حلو عجبني اشترا البيبي
دلال واني شفت ثوب حلو عجبني سئلت على السعر بس فلوسي ماتكفي وعفته
بعدين شهم صمم نشتري ثوب الاقبال حلووووو
اني عجبني ثوب كلش حلوووو واشترا الها
شهم انتضري هنا شويه واجي
شويه ورجع شايل علاليك
دلال شنو ذني
شهم حلويات وهاي العلاقه الثانيه معطرات وشغلات رجاليه
صارت الغراض هواي أجرنا تكسي ورجعنا للبيت
اني نزلت شهم كال ادخلي واني اجيب الغراض من الجنطه
نزلت وكبل للغرفه غيرت ملابسي ونزلت لكيت شهم خال غراضي على الدرج
صعدتهن خليتهن على السرير
ونزلت لكيت بيبي تبوس بلثوب وتكول يخبل واقبال خاله الثوب على صدرها ومتعجبه بي
شهم وكف بلنص وكال
هاي الشغلات ذوق دلال الي مايعجبه شي منهن يحجي على دلال لايحجي عليه
اقبال يمه بنيتي ذوووقه يخبل
الحجيه دلال حلوه وكلشي منها حلوووو
دلال شكرا همزين مافشلتوني شهم ورطني خلاني اختار وبعدين اي شي مايعجبكم دلال جابته
شهم هذا واقع عزيزتي
دلال ترا عمو شهم ماعندا ذوووق كل الأشياء الحلوه ذوقي
كامو يضحكون كلهم
بعدين صعدت فوك افتح غراضي حتى ارتبهن
اتفاجئة شهم مشتريلي الثوب العجبني ومشتريلي اقلام
ومشتريلي مداليه اول حرف من اسمي
نزلت حتى اشكره
دلال خاله وين عمو شهم
اقبال برا يغسل
طلعت لكيته يتوضا على المغسله
دلال عمو ليش كلفت نفسك ولله صارت زحمه
شهم ليش زحمه انتي ساعدتيني وختاريتي وياي الهدايه
وهذا ابسط شي أقدمه اللج
