رواية الحمال وبنت التاجر الفصل الرابع 4 بقلم جمانه السعيدي
البارت الرابع
جمانه السعيدي
مهيب....نمت على الكرسي هلكد ماتعبان
سمعت ام نورس تحجي فتحت عيوني
لكيتها تحجي وياا ابو نورس فاتح عيونه
مهيب...وكفت على حيلي قربت علي ....هااا عمي
من شافني اول مثل الي اتفاجئ بعدين مثل الي ابتسم
مو ابتسامه يعني شبه ابتسامه
مثل الي مامصدك اني ويااا
مهيب...محتاج شي
اشرلي عدلني اوكعدني خليت ايدي ورا ضهره وعدلت شويه
راد يحجي بلكوه طلعت من كلمة مي اريد مي
مهيب...دقيقه اجيب المضمد حتى اسئله اذا يصير انطي مي
رحت جبت الممرض شافه كال اي انطي بس شي قليل
مهيب...اكو دكتور خفر
الممرض . اي موجود بس مو بهذا الجناح بالجناح الثاني
مهيب...اروح اجيبه يشوفه
رحت ادور على الدكتور وام نورس خلت شويه مي بحلكه
لكيت الدكتور يفتر على باقي الردهات الساعه ١٢ ونص بليل
مهيب...السلام عليكم دكتور
الدكتور.. عليكم السلام
مهيب...عدنا مريض جلطه وهسه كعد يريد مي ممكن تجي وياي تشوفه
الدكتور...اي دقيقه انتضر
شويه واجا وياي الدكتور
دخل فحصه كال زين ووضعه زين بس كون مايتعب
انطو مي واذا اكو شوربه
مهيب...شكرا دكتور
الدكتور....هاي الابره مهمه الساعه ثمانيه لازم ياخذها
مهيب...تمام
طلع الدكتور اني حضنته وعدلت كعدته وام نورس بدت تنطي شوربه شويه شويه وتمسح حلكه
من خلص كال اريد جاي
مهيب...اي هسه نزلت جوا اكو واحد يبيع جاي وكهوه اباب المستشفى
جبتله جاي شكر قليل وجبت جاي الام نورس
وصعدت انطيت الجاي الام نورس واني شربته جاي بايدي
كانت عيونه حزينه واكو كلام يريد يحجي بس وضعه مو تمام
كمل أشر على رجله توجعه او مايحس بيها
كعدت يم رجلي وكمت افرك بيهن
شلت المخده وحضنته رجعته ليوره
رجعت افرك رجلي اشرلي كافي غطيته ونام
وام نورس هم غفت هلكد ما تعبانه
كعدت على الكرسي ورجعت راسي ورا ونمت
اني تعبان اكثر منهم ثنيينهم
ثاني يوم رحت جبت الدكتور شافه طمنا علي كال وضعه زين بس بعد محتاج راحه جمانه السعيدي
والعلاج لازم منتضم جبت الممرض انطا علاجه وضربه الابره الساعه ثمانيه ونص اجاابوي جايب اكل وفواكه
بس دخل ابوي اني طلعت لا كأني اخو ابو نورس جاي ابو حسن سلمت علي وطلعت
رجعت للبيت سبحت وبدلت وطلعت الشغلي
كوه خلص هذا اليوم لان اني تعبان وماشابع نوم
ثاني ليله طلع ابو نورس من المستشفى
بس اني ابد مارحت لان ارجع بليل تعبان من الشغل
اسبح وابدل وانام حتى اكعد من الصبح
اسبوع ابوي رايح راجع علي ابد ماعافه
والمجمع قافلينه
مهيب...شلون صار ابو نورس
ابوي...الحمد لله احسن يكدر يمشي وكلامه صار واضح ومفهوم
مهيب...الحمد لله
ابوي....بس يسولف بيك شلون من بقيت بلمستشفى ويااا
يكول مهيب يعادل عشر زلم
مهيب...عمل انساني اي واحد بمكانه مااقصر وياا ابد
الاسبوع الي بعده ابوي فتح المجمع وحده
بس حسيت ابوي مهموم وكانما اكو شي يعرفه ومايقبل يحجي ضايج
مهيب....هاا يابه اكو شي احسك مو مثل قبل
اكو شي احجي اذا تعبان من الشغل وحدك اقفل المكان
منا لمن يرجع ابو نورس
ابوي...لا ولله اكو شغله كلش مهمه بسببه عمك انجلط
مهيب....ياستار شكوووو شنو خسر فلوسه
ابوي...ياريت لو خاسر فلوسه ولا هاي المصيبه
مهيب....الله يستر اكثر من خسارة الفلوس ماكو
ابوي...لا اكوووو
مهيب...شنو فهمني
ابوي.. اذا تكدر تساعد عمك وطلعه من هاي المصيبه
تساعده
مهيب...اني اساعده واني شنو حتى اساعده
لا يكون محتاج كلى لو زرع كبد لو تبرع بدم
ابوي...لا شي اهم من ذني كلهن
مهيب....احجي يابه شنو هو سر
ابوي...اذا بيدك اطلعه من هاي المشكله وتساعده تقبل
مهيب...اكيد اذا اكدر اساعده مااقصر ولو اني اشوف اني مابيدي شي بس خل افهم شنو المشكله
واذا اني اكدر اساعده راح اساعده بس كون شي اكدر علي
ابوي...تزوج نورس
مهيب...بقيت صافن بوجه ابوي وساكت مستغرب
من كلامه
ابوي....شبيك تزوج نورس بته حتى اطلعه من هاي المشكله
مهيب...شلون يعني مافهمت هو ندمان ويريد يزوجني نورس
قد يعجبك ايضا
ابوي....لا اكو مشكله وكعت بيها نورس وما تنحل اله تزوج
مهيب...مافهمت شنو من مشكله
ابوي...مشكله استغفر الله يابويه تخص سمعتها وشرفها
امانه هذا الكلام سر بينا مااريد احد يعرف اي شي عنه
ابوها حلفني يله حجالي
المسكين واكع بمشكله جبيره ومايعرف شنو الحل
مهيب...تحجي صدك لو تشاقا
ابوي...الرجال اجا يموت بسبب هاي المشكله وين اكو شقا
مهيب.. مجاي اصدك
ابوي...المهم تساعده لولا
مهيب.. اكيد لا اني ماأخذ فضالت احد ويامن راحت لعبت ست نورس وهسه يريد يزوجها ويستر عليها
ابوي... مسكينه لا تلومها انضحك عليها لو اكو احد يزوجها ويستر عليها جان انحلت هاي المشكله
المصيبه ولد عمها زغار بلابتدائيه وولد خالها مزوجين
مهيب...يعني العشيره كلها تعرف بهاي المصيبه وترديني ازوجها ليش عندي كرون مثلا
ابوي...لا محد. يعرف بس اني انت وامها وابوها حتى خواتها بلبيت مايعرفن
مهيب.... بابا انت شلون تقبل اني ازوجها
ابوي....عمل انساني تنقذ بي هاي العائله من الدمار
اعتبره عمل في سبيل الله
الرسول محمد ص يكول من رفع كربه عن مؤمن بلدنيا
رفع الله عنه الف كربه يوم القيامه
أعقد عليها كدام الناس واسترها
مهيب....وصاحبه الي ضحك عليها ليش مايعقد عليها
ابوي.. ياريت موجود جان جبنا ياخذها غصبا ماعلي
بس هو انهزم يكولون سافر التركيا
مهيب.. همزين مااخذتها طلعت رخيصه
ابوي...لا موهيج الشغله نورس انضحك عليها
قشمرها بلحب والكلام الناعم وجايب امه للجامعه
وحجت وياها ومتفقين على الخطوبه
واليوم الي راح تجي امه تحجي وياا امه نورس مصدكه
بيهم الولد متعود على هاي الطريقه
يسحب بيها البنات ويضحك عليهن
وامه تساعده بهاي الشغله
هم شايف هيج ام مستحيل اكو هبج ام تساعد ابنها
يضحك على البنات الولد ابو ميت ووحيد امه
امه تمشي وياا بااي شي يريده
بيوم متفق وياها تروح وياا للبيت على اساس عازمها
وامه متصله عليها عازمتها
البنيه مصدكه بيهم بعد هو وامه ثنيبنهم ونورس
فقيره بكلشي تصدك ماعدها تجارب
اعتبرت كلام امه ضمان راحت للبيت واستقبلته امه
داخله للبيت تكول شويه وامه طلعت كالت راح اجيب كم حاجه من رأس الشارع
باقيه هي وياا بلبيت جايبلها عصير ضيافه تكول مااعرف شنو صار وياي
كعدت لكيته معتدي عليه تكول امه من طلعت بعد مارجعت
اني شفت نفسي بهذا الوضع كمت اعيط
تخبلت كمت ابجي ومااعرف اتصرف اخذني غدر
هو بقه يطمن بيه ويكول ماصار شي لا تخافين
اني وامي راح نجي نتقدملج احنا متفقين على الزواج
اني مراح اعوفج ابد
انتي زوجتي انتي حبيبتي
البنيه مصدكه راجعه للبيت وباقيه تنتضر بس هو مجرد ما وصلها للبيت اختفى من حياتها جمانه السعيدي
التليفون انقفل ومايرد عليها
راحت للبيتهم لكتهم مسافرين هو وامه الناس تكول سافرو التركيا
هذا الحجي صار اتلث اشهر هي ضامه وساكته
قبل لا تتخرج بشهر صايره هاي المصيبه
البنيه من خوفها ساكته ماتعرف تتصرف
قبل اسبوع عرفت هي حامل من عرفت هذا الشي انهارت بلبجي امها مااعرفت هي ليش تبجي
لمن شافت بلصدفه اختبار الحمل مشمور بلزباله
ساعته شكت بلبنيه
بقت تلح عليها لمن اعترفت بكلشي
امها ماكدرت أضم على ابوها ابوها الي بس سمع
انهار يومين وهو يدور على الولد
يومين يدور عليهم مابقه مكان ماسئل بي عنهم
وماكوووو سئل بلجوازات طلعو صح مفيزين وطالعين
مااتحمل انجلط
المصيبه البنيه حامل وما يصير تسقط الطفل لان
موزين عليها
هاي اكبر مصيبه مرت على عمك مااعرف شلون بس انجلط لو اني بمكانه جان متت خلاص
مهيب....ولو هي غلطانه ليش راحت ويااا اكو بنيه محترمه تروح وياا ولد ببتهم
ابوي.. امه الي اتصلت عليها وعزمتها ومن وصلت للبيت امه جانت موجوده ورحبت بيها
ترا نورس فقيره وتصدك بكلشي ما توقعت هو وامه يكونون مدبرين هيج مصيبه
مهيب....ولله عقلي مجاي يشيل هيج سوالف
ابوي... صدك بويه الدنيا بيها أشكال المصايب
هسه بقت عليك انت تكدر تحل هاي المشكله
هااا اساعدهم لولا انت بس اعقد عليها منا لمن اجيب وبعدين طلكها
حتى تحفظ ماي وجه ابوها المسكين
مهيب...ابوها لو منطينياها ماصار كلةهذا جان حافظت عليها وحميتها
ابوي...إن الله حليم ستار ومن يعمل مثقال ذرة خير يره
اعتبره عمل انساني اعتبره صدقه عن عمرك
لاتعتبرها زوجتك اعتبرها خطاره بيتنا تخلص فتره وترجع بيت اهلها ولله عمك مستحيل ينسالك هذا الفضل
طول عمره
