رواية ديجور الشاهين الفصل الثالث 3 بقلم ايلا ابراهيم
قد يعجبك ايضا
الثالث
كانت نايمه جمبه عالسرير وهو لسا صاحي مش عارف ينام .. هو ازاي عمل كده ازاي ... ازاي ضعف قدامها .... وبرضو ازاي البنت لسا بكر .. واضح جدا انها اول مره ليها.. كان هيتجنن بص على ملامحها وشافه عن قرب اول مره يركز معاها بنت جميله رقيقه معقوله البنت دي يبقى مشيها بطال ... بس هو مكنش لازم يضعف.. مكنش لازم يعمل . كده. هو مش صغير عنده 35 سنه ازاي يضعف كده ..قدامها...
اتحركت بنعاس ولسا هتفتح عينيها مشي وسابها وراح البلكونه شغل سيجارته وبدأ يدخن .. مشاعره متضاربه بين ندم على لوم .. على أن ده حقه وخده.. وهي مراته.. لكن هو مش ناوي يكمل معاها.. بس حصل اللي حصل وخلاص.. طب ازاي هو شافها بعنيه في حضن راجل تاني.. ازاي هي لسا بنت.. اسأله واجوبه كتتتير في دماغه مش عارف جوابها .. لحد ما حس بخطواتها قربت منه بتردد ..
وهمست سندس باسمه : شاهين..
لف ليها وطفى سيجارته .
وهي همست بتردد ودموع : انا والله معملتش حاجه...
شاهين : انا مش عيل عشان اصدق كلامك ده
سندس ،: وانا مش صغيره عشان اغلط انا عندي24 سنه مخلصه كلية حقوق مش همشي في سكه شمال ابدا دي تربيتي ومش ممكن اخون ثقة اهلي بيا.. لو مكنتش بنت ابويا وانت عارفه كويس هقولك صدق الكلام ده بعدين سيد مين اللي هبصله .. واضحين بسمعت اهلي عشانه...
شاهين بجديه : كنتي بتعملي ايه في حضنه ليلتها
سندس بدموع : معرفش أنا كنت فبيتنا والله نايمه ولما فقت بالليل لقيت نفسي معاه بالاوضه
شاهين بسخريه : ياسلام وانا هصدق الكلام ده .
سندس بدموع : عايزني اعمل ايه تاني عشان تصدق .
شاهين : متعمليش ومشي وسأبها
الصبح ريه مرات عمه لقته نايم في مكتبه وصحته بانزعاج
شاهين بنعاس. في حاجه ياست الكل..
ريه بضيق : سايب مراتك ونايم هنا ليه
شاهين : بكدب كنت بشتغل وارحت عليا نومه
ريه : ياسلام .. هتكدب عليا ياشاهين
شاهين وانا اقدر.
ريه :يبقى تقولي اللي حصل مابينكم يستاهل تتعامل معاها بالجفا ده
شاهين : مشاكل ياست الكل زي اي مشاكل بين راجل ومراته ..
ريه : ماشي بس مينفعش كده البنت لسا عروس و يا حبة عيني ملحقتش تفرح
شاهين بتنهيده : عايزاني اعمل ايه غلطت ولازم تتعاقب..
ريه : احيانا العقاب ميكونش وقته ولا زمانه يابني
شاهين : مش فاهم
ريه : شاهين يابني اسمع مني لازم متقفش على كل غلطه وخاصه مع مراتك .. مش ربنا قال وجعلنا بينكم مودة ورحمه..
شاهين صدق الله العظيم
ريه :يبقى تطلع لامراتك وتنسي كل المشاكل مابينكم وان شاء الله تهدى النفوس..
شاهين : حاضر هطلع بعدين
ريه : وحياتي عندك لتطلع دلوقتي وتطيب خاطرها بكلمتين وكل حاجه تتحل بالرواق
شاهين سمع كلامها هو بيحبها اوووي ومش بيرضى يزعلها هي اللي ربته بعد ما اهله كلهم ماتو..دخل الأوضة وكانت سندس نايمه ودموعها ناشف على وشها.. قرب منها وحرك أيده على خدودها الناعمه .. اتملمت بنعاس ... وفتحت عينيها وشافته قريب منها اوووي و بيبصلها افتكرت نفسها بتحلم رمشت اكتر من مره مش مصدقه أنه قدامه ... عدلت نفسها وهمست باسمها شششاهين
شاهين صباح الخير..
سندس بلعت ريقها بارتباك وهي بتبصله لما سألها انتي كويسه
هزت راسها بأه وعنيها مش شيلاها عنه اترعبت لما سمعت خبط عالباب وبلغوها أن أهلها عايزنها تحت
