رواية امامي الفصل الثامن عشر 18 بقلم اسماء الهادي
مراد وامام خلصو وامام روح البيت
اامام دخل البيت تسنيم جريت عليه
حمدلله علي سلامتك يا حبيبي
تسنيم قربت من ودنه:عملت اي مع مراد
امام ابتسم:وقعت قلبه
تسنيم:حرام عليك
عملت اي فيه بجد
امام:دخلت عليه المكتب وانا عمال اني زعلان وقعدت العب باعصابه شويه وبعد كدا قولت انها وافقت
تسنيم بفضول:وهو عمل اي
امام:مش هتصدقي نزل سجده شكر لله وشوفت الدموع في عنيه
انت عارفه قالي اي
تسنيم بتاثر:قال اي
امام:قالي اختك دي اكبر انجاز ف حياتي وقالي كمان ان قلبي تعب كتير واكبر تعب كان من اختك بس هيا جبرة بخاطره وكانت اكبر فرحه ليه
تسنيم:يااااا هو في حد بيحب حد كدا
امام بص ليها:نعم ع اساس اني ربطه بقدونس واقفه جمبك
تسنيم بصت ليه بحب: انت مفيش وجهه مقارنه بينك وبين اي حد
حبيبي يختلف عن الاخرون
امام بتصنع الزعل :اممم ماشي
تسنيم مسكت ايده: انت زعلان والله ما اقصد ان قصدي ان في حد. غيرك بيحب كدا ان في منك تاني
امام بضحك: لا انا اخر نسخه
تسنيم ضربته ف كتفه: وانا اللي كنت فاكراك زعلان
امام: مينفعش امام يزعل من قلبه
تسنيم: طب يلا يا حبيبي عشان احط الغدا
????سبحان الله ????
وهما قاعدين بيتغدو امام اتكلم
امام: مراد جاي النهارده
مريم بتاكل ولا علي بالها
محمد: يامرحب بيه يابني
امام: هيجي نتفق ع الخطوبه ولوازمها
مريم: مستعجل على اي
امام بغيظ: علي حظه ان يتجوز واحده زيك
مريم بهزار: انا عارفه اني قمر والف واحد يتمناني بس مش بسرعه دي
امام: مريم اخرسي تعرفي تخرسي
مريم: عندك حق القمر مبيتكلمش مع بني ادمين
امام: يستحسن برضو
تسنيم: خلصي يا مريم عشان عايزاكي
مريم: لا انا جعان ومش هخلص دلوقتي
تسنيم: الصبر من عندك يارب
امام بص ل مريم: اقسم بالله ربنا يكون ف عونه
مريم بصت ليه: مش هتكلم عشان جعان
امام: كلي يختي بالهنا والشفا على قلبك
مريم:حبيبي
خلصو اكل وتسنيم راحت الاوضه لمريم
????سبحان الله????
تسنيم : مريم عايزه اقعد معاكي شويه
مريم: بخصوص مراد صح
تسنيم: الله ينور عليكي
مريم: م انا وافقت ع الخطوبه عايزين اي تاني
تسنيم: اي عايزين دي
احنا لو بنتكلم معاكي ف دا عشان مصلحتك وعشان احنا اكبر من في مثل بيقولك اللي اكبر منك بيوم يعرف عنك بسنه
مريم بصت ليها بندم: والله ما قصدي ازعلك بس انتو بتتملمو كتير ف الموضوع دا
تسنيم: مراد بيحبك يا مريم وااوي كمان وانت لازم تعرفي دا وتحسي بيه
مريم: لما يبقي جوزي ابقي احس بيه
تسنيم: وهو انا قولت حاجه مش معني انك تحسي بيه انك تخضعي بالقول معاه وانتي مش ع زمته
معني تحسي بيه اللي انا اقصدها انك تعرفي قد اي هوا بيحبك وبيتمناكي
مريم: حاضر اعرف منين بقي انو بيحبني كله شايفين دا الا انا
تسنيم: كدابه انتي اكتر واحده حسيتي بوجع مراد وحزنه
مريم : اديكي قولتيها حسيت بوجعه
مش حبه
تسنيم: ولا تحس بوجعه اي اللي يخليها متحسش بحبه الا لو هيا مش عايزه تشوف دا
مريم: انا
تسنيم قاطعتها: بطلي جبن بقا بطلي خوف قولتك قبل كدا ان حبك ليه مش ضعف دا قوه عارفه يعني اي لما تحبي حد وتستقوي بيه بعد ربنا الراجل صوته بس كفايه ف البيت
اي راجل عمتا فما بالك بقا بواحد زي مراد، مراد شايفك سفينته اللي انقذته من الغرق شايفك دنيته
تخيلي قال اي ل امام بلاش دي تخيلي عمل اي لما عرف رايك ردي
مريم بحزن: عمل اي
تسنيم: نزل سجده شكر لله امام بيقول ان عمره ما شاف دمعته دايما بيشوفه اوي يامر يطاع شافه النهارده مذلول تعرفي قاله اي قاله اختك دي اكبر انجاز ف حياتي اكتر واحده تعبت قلبي بس هيا الواحيده اللي جبرة خطاره احمدي ربنا ع اانعمه اللي ف ايدك وبطلي تداري مشاعارك تجاهه مراد محتاجك اكتر مانتي محتاجه
مريم بدموع: هوا قال دا كله
تسنيم اخدتها ف حضنه: ايوا واكتر كمان مراد بيحبك اوي ودا باين عليه
مريم بصوت واطي: وانا والله بحبه اوي
تسنيم طلعتها من حضنها: قولي تاني كدا بصوت عالي
مريم بصت ف الارض: بحبه
تسنيم بصت ليها بفرحه: الف مبروك يا روح قلبي
مريم: الله يبارك فيكي
تسنيم:انا اروح اشوف جوزي ونشوف ترتيبات الفرح عشان كلها اسبوع
مريم:ربنا يتمملك علي خير يا حبيبتي والله انا فرحانه ليكي اوي
تسنيم:الله يبارك فيكي يا حبيبتي عقبالك انتي ومراد
مريم:امين يلا روحي لجوزك
تسنيم:حاضر
????سبحان الله وبحمده????
تسنيم راحت ل امام
امام
امام: تعالي يا حبيبي اقعدي
تسنيم بصت ليه بفرحه: انا فرحانه
امام: وانا كمان بس الضعف
تسنيم: لي
امام: عشان حبيبي فرحان ومبسوط ابقي انا كمان فرحان
قولي بقا فرحانه لي
تسنيم بصت ليه بفرحه:مريم بتحب مراد هيا لسه معترفه بدا ليا
امام اخدها ف حضنه:وانا بحبك اوي وعايزك دايما كدا ف حضني ومعايا
تسنيم:امام
نعم يقلب وروح امام
تسنيم:عايزه اتكلم
امام ضحك:طب متتكلمي هو انا مانعك
تسنيم:يعني وانا ف حضنك وحاسه ببكل الحنيه والامان دا وعايزني اتكلم طب تيجي ازاي
امام:ما بصراحه قلب إمامك وجاعه اوي لانو بعيد عن تسنيمه
ومتقوليش سبني عشان مش قادر عايز اشبع منك شويه
تسنيم شددة ع حضنه:مقدرش ع تعب قلب حبييى وانا كمان عايزه اشبع منك
امام:كلها اسبوع ومش هبعدك عن حضني
تسنيم:مش عايزه ابعد عن حضنك
امام:بحبك اوي يا تسنيم اووي انا النهارده عذرة مراد واكتر واحد حاسس بيه لاني مجرب وجع القلب
انتي طول م انتي بعيده عني بحس ان في حاجه نقصاني حاسس اني مش كامل وغصب عني بقعد تفكر فيكي
تسنيم :تعرف اني طول م انت بعيد تني بحس بكدا امام انا مجرد ما بسمع صوتك بطمن وبفرح فما بالك بقا لما تبقي اخدني ف حضنك كدا
ببقي نفسي اعيش اللي فاضل ليا ف عمري هنا ف حضنك وسط ضلوعك ونبض قلبك
امام حضنها جامد: وانا كمان نفسي ف دا
كل يوم بقول هشبع منك بس بكتشف انك بتوحشيني اكتر
تسنيم لسه هتتكلم قاطعها تخبيط مريم ع الباب
ابيه حضرتك جوا
تسنيم:امام ابعد وافتح لمريم
امام بغيظ:مريم دي نفسي الفها ف فويل كدا وابعتها لمراد من كتر رخمتها
تسنيم ضحكت
امام:بطلي ضحك هيا مش ناقصه شعلله انا تعبان طبيعي
تسنيم بعدم فهم:مش فاهمه
امام قرب من ودنها:لما تكبري هبقي اقولك
تسنيم بزعل مصتنع:طب ابعد بقا عشان زعلانه
امام شددعليها جامد: ع اساس
انك لو زعلانه امام هيسبك تبعدني
عنه وانتي زعلانه دا يموت فيها
لو حببتي تطلع من حضنه زعلانه
تسنيم: بعد الشر ع إمامي
امام: انتي عارفه طلوع من حضني
دا اشبه بأي
تسنيم: اي
امام: بحس ان ف حد بيقطع حتا مني وعايز ياخدها احساس صعب اوي لما تحس انك معاك كل حاجه ومره واحده ترجع واحيد تاني
تسنيم طبطبة عليه براحه: محدش يقدر يخادني منك ابدا بس دا شئ طبيعي اني لازم ابعد عنك عشان مثلا حد بيخبط اوي بعمل حاجه او ان انت تروح الشغل
امام بيحاول يطلعها من حضنه
: مش قادر عايزك
تسنيم اتكلمت بحب: طب لو الاذان
اذن هتعمل اي
إمام: هضطر اسيبك واصلي
تسنيم: طب يلا عشان العصر اذن وبابا نزل من زمان
امام طلعها من حضنه وبص ليها:
بجد اذن
تسنيم بصت ليه وضحكت: لسه عليه نص ساعه
امام: انتي عايز عقاب
تسنيم بصت ليه: اهون عليك
امام: لا ميهونش بس انا زعلان وسابها وراح يفتح الباب
تسنيم مسكت ايده
مقدرش علي زعلك
امام ابتسم: وانا مقدرش ازعل منك
تسنيم ابتسمت: طب يلا افتح الباب
امام: حاضر
????الله اكبر ولله الحمد????
مريم : اي يا ابيه دا انا قولت انك نزلت
امام بص ليها بغيظ: اخرسي وبطلي كلام
مريم بصت ليه وضحكت لانها فهمت: هو انت كل ما تشوفني تقولي اخرسي اخرسي انت متغاظ عشان صوتي حلو صح
امام : اماااااااال حلو جدا
مريم: يا غيور
امام: لمي نفسك يا ام لسانين
مريم: طب تعرف
امام: اعرف اي
مريم : انا لو رحت ذا ڤويس اي اللي حيصل
امام: اي
مريم: كلهم هيتاخنقو عليا اه اقسم بالله هيتخافقو مين يطردي الاول
امام غصب عنه ضحك: طب ادخلي عايزه اي
مريم: سيمو قالت انكم هترتبو اللي فاضل ف الفرح وانا حايه اساعد
امام بص لتسنيم: احم اه فعلا احنا كنا بنرتب طيب تعالي اقعدي وامسكي ورقه وقلم واكتبي اللي هقولك عليه
مريم: انت تؤمر اهندسه
امام: اقعدي يختي
تسنيم: اخنا خلصنا اي وفاضل اي انا مش فاكره حاجه
امام: المفروض الفرش يوصل بكره
ويتفرش وانتي طبعا هطلعي عن اميره فوق
تسنيم: لي
امام: كدا عشان انتي عروسه
البت دي واميرة هيتولو الشغل بتاكم بقا بتاع اي عروسه وانا واحمد ومراد هنفرش البت وهسيب اوضته النوم انا اللي هفرشها لوحدي
مريم اول ما جيت سيرة مراد ابتسمت وفرحة اوي ان مراد مش هيسب اخوها
تسنيم بصت ل امام بحب: ربنا يبارك ليا فيك
مريم: اشطا بقا هو دا الكلام ولا بلاش
امام: بعد اشطا دي انا هسال مراد هو متاكد من الجوازه دي ولا لاء
مريم وتسنيم ضحكو
مريم: اوكيشن اسال وانا متاكده من الرد
امام: يا واد يا واثق انتا ماشي يا ستي ربنا يتمم ليكم علي خير
مريم: امين
تسنيم: انتو هتبدوء بكره
امام : اه باذن الله بس الاول نتفق انا ومراد النهارده عشان ارتاح شويه
مريم: هو انتو هتتفقو النهارده
امام: ايوا
هقوم انابقا عشان اتوضي
وبص لتسنيم عشان العصر اللي اذن
مريم: هصر اي اللي اذن دلسه بدري
تسنيم ضحكت
امام: معلش اتلخبطت
مريم: عادي عادي ما انا عادي اهو
امام: بتقولي اي ابت انتي
مريم: بقول عادي
امام: انا قايم
????استغفر الله????
مريم بصت لتسنيم:عملتي اي ف الواد
تسنيم ضحكت:مفيش يلا عشان اجهزك واشوف هتلبسي اي
مريم بصت ليها بشك:يلا
تسنيم دخلت الاوضه
اي رايك ف ده
مريم:مجسم شويه
تسنيم:امال كنتي بتلبسيه ازاي
مريم:دا قبل م اتخن
تسنيم:امم طيب دا
مريم بعدم اقتناع:مش حلو اوي
تسنيم بصت في الدولاب لقت فستان نبيتي وعليه ورد اسود
:دا بقا وووا اوي
مريم:دا لاء
تسنيم بصدمه: ليه
مريم:دا الفستان اللي هحضر بيه الفرح بتاعكم
تسنيم:طب واي بعني
مريم:لا والله طب واحضر فرحكم باي
تسنيم: نبقي نجيب غيره يلا البسي وجربيه
مريم لبست الفيتان وكان روعه عليها
تسنيم:تبارك الله تحفه اوي
مريم:بجد
تسنيم:جدا حلو اوووووووي
مريم: اشطا بس هلبس عليه خمار لونه اي
تسنيم: درجه من درجات الرصاصي
مريم: تمام اوي
تسنيم: حلو اوي هروح اشوف اميرة عايزه حاجه واجي
مريم : ماشي
????استغفر الله????
مراد روح البيت وهو طاير من الفرحه
اخير الفرحه عرفت طريق قلبي
نورتي حياتي يا مريم امته بقي تبقي ملكي اللهم لك الحمد كما ينبغي لجلال وجهك وعظيم سلطانك يارب ديمها نعمه واحفظها من الذوال
دخل اوضة نومه وقعد يقيس بدل كتير بس حاسس ان مفيش حاجه ليقه عليه
طب اعمل اي دلوقتي اروح المول اشتري كام بدله ولا اطلب اون لاين
مسك الموبيل ورن ع احمد
احمد واميرة قاعدين
اميرة:احمد
احمد :نعم يا حبيبي
اميرة بفرحه: مريم بتحب مراد
احمد بص ليها بفرحه:بجد
اميرة:ايوا تسنيم لسه قايله ليا
انا فرحانه ليها اوي يا احمد
احمد:ربنا يبارك ليهم ويسعدهم كمان وكمان مريم بنت حلال وطيبه وبجد تستاهل مراد ومراد يستاهلها
اميرة:طب واختها
احمد قرب منها:اختها دي روحي وقلبي وحياتي كلها
اميرة:طب وابن اختها
احمد ضحك: دا روح بابا احلي واجمل هديه من اميرة قلبي
اميرة بحب:بحبك اوي يا احمد وعمر ف يوم ما تخيل حياتي من غيرك ربنا يديمك ليا
احمد اخدها ف حضنه:ويديمك ليا يا نن عين احمد من جوا
اميرة لسه هتتكلم قاطعها رن موبيل احمد
اميرة: مين
احمد بستغراب: مراد
اميرة:طب رد بسرعه ليكون فيه حاجه
احمد: السلام عليكم
مراد: وعليكم السلام انت فين يا احمد
احمد: انا في البيت لي خير انت كويس
مراد حس بخوف احمد عليه فرح وحب يلعب عليه: لا مش كويس خالص
احمد قام بخضه: في اي يا مراد قولي طب انت فين انا جايلك حالا
مراد: في البيت بس تعبان
احمد: طب خليك معايا ع الخط انا هبلس واجيلك فوراً مراد كلمي رد عليا
مراد بتمثيل التعب: معاك اهو
احمد وهو بيلبس: اوعي تقفل خليك معايا ع الخط
انا جاي حالا انا خلاص اهو طالع من البيت ونازل السلم اهو
مراد دا كله وهو مستغرب هو لسه في حد بألاخلاص دا والجدعنه دي ليه حق إمام يقول عليك اخوه
احمد بخوف: مراد رد عليا متسكوتش كلمني
مراد: معاك ي احمد
احمد: انا قربت من بيت اهو وبركن العربيه خليك معايا ومعلش تعالي ع نفسك وافتح ليا الباب
مراد: حاضر
احمد: انا اهو ف الاسنسير افتح
مراد: حاضر
احمد: خبط ولسه هيزعق عشان مراد يفتح
بص لقي مراد فتح الباب وف ايده مج نسكافيه وبيضحك : اهلا نورت ي ابو حميد
احمد بص ليه بذهول: هو محدش قالك اني غبي
وضربه بالبوكس
مراد المج وقع من ايده واختل توازنه: متخل بوظت وشي
احمد بغضب مكتوم: تستاهل ولم لسانك بقا عشان انا ع اخري منك
دا قلب كان هيقف انا لابس كروكس البيت مرضتش البس الكوتشي عشان خوفت اتاخر عليك
مراد ضحك: طب اقفل الباب وتعالي
حبيت اهزر معاك يا جدع
احمد بغيظ: ما كنت كائيب وحلوا اي اللي غيرك
مراد: اختك ياعم
احمد: انتو الاتنين ارخم من بعض
امشي اعملي عصير ويكون ساقع
مراد ضحك علي شكله: حاضر
مراد جاب العصير ل احمد: اتفضل انا مش هحاسبك ع البوكس دا عشان بس قدرة خوفك عليا
احمد: اي دا انت جايب عصير علب
مراد بص ليه ورفع حاجبه: ع اساس اني بعرف اعمل حاجه ف المطبخ عاجبك اشرب مش عاجبك استني لما تروح وتروح لمراتك تعملك
احمد: بارد
مراد: لم لسانك
احمد: انت جايبني ع ملي وشي ليه
مراد بص ليه: مش لاقي حاجه البسها
احمد بص ليه وغيظ الدينا كله فيه: نـــــــــــــعـــــــــــــــــم ياخويا وحد قالك اني البيبي سيتر بتاعتك
مراد: اهدي يعم انا بجد محتار ومش عارف البس اي حاسس اني كل خاجه مش ليقا عليا
احمد بص ليه وابتسم ان افتكره هوا وكلمه هو وافتكر يوم ما كان رايح ل اميرة: انا كنت اكتر منك طب وريني الاوضه فين
مراد وهو بيحط تلج مكان الضربه: قدامك اهي ومفيش ولا بدله عجابني
احمد راح ونقي ليه تي شرت ابيض وجكت جينز وبنطلون جينز وكوتشي ابيض وطلع ليه
مراد بص ليه بصدمه: نعم اي دا
احمد : هيكون اي يعني اطلع بقا شويه من الخنقه اللي انت فيها دي
مراد: انا رايح لوحده ف مقام خطبيبتي البس دا انت بتهزر يا احمد
احمد: لا مبهزرش روح بس وملكش دعوه واقسم بالله هتكون جنتل اوي فيهم وانت اصلا وسيم
مراد بص ليه بشك: ربنا يستر
احمد: يخويا انت هتتسحل
مراد بص ليه: اتسحل انة مبطمنش للكلمه دي لان نهايتها بتكون تكسير عدم
احمد ضحك: فعلا بالظبط كدا امام اخوك عفشه هيجي بكره والمطلوب مننا ان احنا نطلع العفش القديم عشان بكره نفرش ع طول
مراد ابتسم: يعم انا رقبتي فداك انت وامام
احمدبص ليه وابتسم: حبيبي يا مرمر
مراد: غور يا احمد من وشي
احمد ضحك ع شكله
مراد بص ليه: احمد
نعم
مراد: بجد شكرا انك عبرتني وخوفت عليا وجيت والله انت وامام عملتو الي ميعملو اخواتي
احمد بص ليه:”إنما الرفاق للرفاق اوطان” يا صحبي والصديق وقت الضيق واحنا فعلا اخواتك يا مراد واوعي ف يوم تفكر غير كدا احنا اخوات من اب وام مختلفين بس ايدينا هتفضل ف ايد بعض طول العمر يلا يا صحبي البس عشان منتاخرش
مراد بص ليه بأمتنان: حاضر يا صحبي
????الله اكبر????
مريم لبست واميره
امام راح لتسنيم
تسنيم
نعم
امام: حبيبي خلصي ولمي هدومك ف شنطه كبيرة وطلعيها ف اوضة الاطفال بتاعت اميرة فوق ماشي
تسنيم: لي يا حبيبي
امام: حبيبتي احنا هنفضي البيت عشان الفرش الجديد لما يجي بكره ميتعبناش
تسنيم: حاضر يا حبيبي حاجه تاني
امام: يسلملي حبيبي انا هروح اغير بقا عشان مراد ع وصول
تسنيم: ماشي يا حبيبي
وانا هروح اشوف مريم
????سبحان الله وبحمده????
مريم لبست وكانت فرحانه اوي ومنتظره مراد وهيا مقرره انها معدتش هتكبت مشاعرها وهتوجه نفسها وقفت قدام المرايه
بحبك يا مراد بحبك
اميرة دخلت عليها: الله اكبر الله اكبر
اللهم بارك عليكي يا روحي اي القمر دا
مريم: بجد يا اميرة
اميرة: ويوا يا قلب اميرة تحفه الواد عقله هيطير
مريم ضحكت: دا لو كان عنده عقل اصلا
اميرة: لي هو زيك مجنون
وحبت تغيظ مريم دا طول بعرض وجمال وحلاوه واخلاق
مريم بغيرة: ما تخفي العسل عشان ابتدينا نلزق
اميرة: اي دا اي دا انتي بتغيري يا بيضه
مريم: مغرش ليه مش هيبقي جوزي
اميرة:ربنا يتمملك علي خير يا حبيبتي
مريم دعت من قلبها:يارب
????لا اله الا الله????
مراد لبس وطلع ل احمد
احمد صفر: ايوا بقا لا يعم متروحش
مراد:لي يا بني
احمد: البت هتتجنن اكتر م هيا مجنونه
مراد ضحك:لم اسان يعم محبش حد يجيب سيرة مراتي
أحمد:لا بجد والله لما انت عندك هدوم كاجول مش بلتبسها ليه
مراد:لما بسافر وبغير جوا بلبس كاجول انما لو ف شغل ومتسبات رسميه زي النهارده كدا بلبس بدله
احمد:نحن نختلف عن الاخرون
مراد ضحك عليه:طب يلا عشان في شويه حجات عايز اجبها
احمد:طب يا خويا هتركب عربيتي ولا عربيتك
مراد: تعالي بس نشوف هركب انهي عربيه تليق ب اليوم دا والهدوم دي
احمد: انهي عربيه
مراد بص ليه : اه لي
احمد : وانت عندك كام عربيه اللهم بارك يعني وحاططهم فين
مراد:البرج دا بتاعي وعمال مكان مخصص للعربيات اما بقي بالنسبه
عندي بتاع تلاته او اربعه
عربيه لعشاء عمل وعربيه رسميه عشان لو في منسبات خاصه وعربيه للسفر والخروجات وكدا
احمد:اللهم بارك يا حبيبي ربنا يزيدك
عايز اسالك سوال
مراد :اتفضل يا احمد
احمد:انا عارف ان دي حاجه متخصنيش بس هو انت بتزكي وبتعمل اعمال خيريه
مراد:فعلا دي حاجه بيني وبين ربنا بس كل اللي هقولهولك اني كنت بعيد عن ربنا بس منتزعتش مني الانسانيه والاسلام لو مكنتش بتزكي وبعمل اعمال خيريه مكنش ربنا هيزيدني ولا هيكون دا حالي انا الحمدلله عمري ما حطيت سجاره او اي نوع خمور والمكان اللي بيبقي ف حجات زي دي مش بدخله وابوايا تعب اوي عشان يبني الشركه دي ب الحلال
احمد بص ليه نظرة فخر:ربنا يديمها نعمه عليك يا حبيب اخوك انا بس كنت بطمن عليك وع مستقبل اختي
اظن ان دا حقي
مراد:اكيد يا ابو حميد دا حقك بس اللي انت متعرفوش ان انا الموت اهون عندي من ان اختك تزعل مني
او تشيل من نحيتي
احمد :ايوا يعم ،يلا بينا عشان منتاخرش
(الصديق وقت الضيق مش مجرد كلمة بنسمعها وخلاص لا صاحبك اللي بجد اللي بتجري عليه مع اصغر مشكلة عندك عشان هو الملجأ و الأمان هو اللي بيقدر يحول حزنك فرح ويحتويك وميقبلش فترة حزنك تطول هو اللي وقت ما تقع يسندك ويدعمك لحد ما ترجع تقف علي رجلك احسن من الاول مينفعش يكون صحاب القاعدة اسمهم صحاب لا اسمهم زمايل لكن صحبك اللي بجد اللي يكون هو فرد من بيتك بس الظروف منعت ان يعيش معاك في بيت واحد
طول ما صحابكم كويس وولاد اصول انت هيكون جمبك سند وضهر وحمي وهياخد بايدك للجنه
الصديق قبل الطريق ويبخته بجد اللي عندو صحاب صالحين وولاد اصول)
