رواية مجهول الهوية الفصل الثالث 3 بقلم ولاء وسام
لبارت التالت
سما: تسلم ايدك يا طنط حلو اوي الاكل
نادية: تسلمي يا حبيبتي الف هنا وشفا
شهاب: امي طول عمرها اكلها روعة
نادية بتوتر: امي الله يرحمها
سمر بحزن شديد: انا اكلت الحمد لله شكرا يا نادية تعبناكي معانا.
شهاب لاحظ حزن سمر
نادية: لا يا حبيبتي تعبك راحة، بس انتي مكلتيش
سمر: لا كلت الحمد لله هروح اغسل ايدي.
ودخلت سمر الحمام وقعدت تعيط فيه
شهاب بهمس لمامته: ماما هي طنط سمر مالها
نادية: مش عارفه وملكش دعوة انت كول وانت ساكت وانا هروح اشوفها.
راحت نادية عند سمر وخبطت علي الباب.
سمر: ايوة
نادية: سمر انتي كويسة
سمر: اه يا نادية وخارجة اهو.
خرجت سمر قصاد نادية
سمر: انا كويسة جدا لدرجة مش قادرة اوصفهالك ، مش مسمحاكي ابدا.
نادية: لالا انتي ظالماني يا اختي بجد.
سمر: بس اخرسي خالص انتي مش اختي ولا ليا اخوات انتي موتي بالنسبالي من زمان.
نادية: طب اديني فرصة اقولك اسمعيني.
سمر: لااسف فرصتك خلصت معايا من يوم اللي حصل فيه الحادثة.
نادية: والله العظيم مليش ذنب.
وهنا دخل شهاب وسما.
شهاب: اي ده انتو بتعملوا اي عند الحمام اعترفوا
سما: اعترفوا القانون لازم يجري وراه.
شهاب ونادية وسمر ضحكوا
شهاب بضحك: مين اللي هيجري وراه القانون، ههههههه
سما: معرفش هما بيقولوها كدة في الافلام، وبعدين انت يرخم متتريقش عليا.
نادية: ميقدرش يا حبيبتي.
سما: شكرا يا طنط.
نادية: مابلاش طنط دي وقوليلي يا خالتوا.
سما بصت لسمر وسكتت.
سمر: اه يا سما قوليلها يا خالتوا هي زي اختي بردو كدة.
سما: حاضر، شكرا يا خالتوا.
ابتسمت نادية لسمر...
نجوي: يا اسر استني خليك هنا خلاص انا خارجة وجاية اهو.
بتفتح نجوي الباب لاقيت شاب ورجل كبير قدام الباب.
احمد الشناوي: علي فين يا مرات اخوي
نجوي بارتباك: انا انا كنت راحة اشتري عشا
محمود: وبقي جيلك نفس تاكلي يا مرات عمي
نجوي: يعني هموت من الجوع
احمد الشناوي: وه وه وه لا متموتيش من الجوع يا مرات اخوي بس معندناش حريم تخرج بليل من دارها.
محمود: ادخلي جوا يا مرات عمي واني هروح اجيبلك كل حاجه.
نجوي: بس
احمد بزعيق: مافيش بس معندناش حريم تقف في وشنا ادخلي جوا.
دخلت نجوي وهي خايفة منهم وراح محمود يجب الحاجات اللي نجوي نفسها مش عارفه هي ايه، ههههه، قعدت نجوي قصاد احمد بتوتر.
احمد الشناوي: مالك يا مرات اخوي مش علي بعضك لي.
نجوي: لا انا كويسة اهو.
احمد الشناوي: بكرة اول ما النهار يطلع هنروحوا علي المستوصف ونروح البلد عندينا وندفنه في مقابرنا مع الحبايب.
نجوي: ان شاءلله، بس سالم كان بيقولي انه مش عاوز يدفن في اابلد عندكم.
احمد بفزع: وه وه وه كييف يعني بيقولك هيك حديت ماسخ اخوي هيندفن في البلد.
وقاطع كلامهم تليفون نجوي بيرن ب اسم اسر.
احمد: ردي علي المحمول.
نجوي بتوتر: لا ده رقمك معرفوش.
احمد: ردي عليه ليكون حاجة مهمة تخص اخوي او حاجة.
نجوي: لا خلاص فصل لوحده.
وبحركة خفيفة قفلت الفون خالص.
نجوي: عن اذنك هطلع اغير هدومي وانزل تاني.
احمد: روحي والبسي خلاجات سودة ومتحشمة شوية، اخوي مات ولازم تتحشمي في خلاجاتك دي.
نجوي بخوف: حاضر حاضر.
وطلعت تجري علي اوضتها وقفلت الباب عليها.
مسكت تليفونها ولغت معاد المقابلة مع اسر.
عند محمد في مكتبه..
الباب خبط.
محمد: اتفضل
ياسين: مساء الخير يا محمد بيه.
محمد بضحك: يا ياسين يا جامد انت لما تبقي رسمي اتفضل هات اللي عندك.
ياسين: بص يا حبيب اخوك بقي اول حاجة جاي استاذنك اني يوم الجمعة اخد الاخت الفاضلة اختك واخرجها.
محمد: لا
ياسين: ليه يا مفتري انت
محمد: كدة
ياسين: الله يباركلك يا شيخ واشوفك وقعت واقعة كدة تطلع عينك فيها ويبقا عندها اخ حلو زيك كدة يطلع عينك وافق احنا متخانقين وعاوز اصالحها.
محمد: اوافق بس بشرط
ياسين: اي هو
محمد: اجي معاكم
ياسين: نعم يا اخويااا
محمد: خلاص مافيش خروج
ياسين: خلاص خلاص يا عم تييجي تنورنا.
محمد: تمام، في اي اخبار عن قضية سالم الشناوي.
ياسين: لحد الان من المراقبة علي مدام نجوي مراته كلمت حد في التليفون ب اسم اسر.........
وبدا ياسين يقول كل تحركات نجوي لمحمد.
محمد: حلو اوي.
ياسين: هو اي اللي حلو اوي.
محمد بتفكير: لا متشغلش بالك كمل بس الاجراءات ويومين وهتعرف انا اقصد ايه.
ياسين ب استغراب: ماشي يا صحبي انا همشي.
محمد: طيب انا شوية كدة وماشي.
ياسين: ماشي سلام.
ومشي ياسين وفضل محمد يفكر في كل حاجه تخص القضية وبعدين قام ركب عربيته ومشي بيها وهو في الطريق.
بنت وقفته.
البنت: اقف اقف
محمد: مالك يا انسة
البنت فتحت العربية وركبت.
البنت: اطلع بسرعة.
مشي محمد بالعربية لحد ما وصل لحتة بعيدة شوية عن مكان اللي البنت طلعت منه، وقف بالعريية.
محمد: انتي مين.
البنت بألم: وديني المستشفي
محمد: ليه
بيبص علي جنبها لقاها مصابة.
محمد: ينهار اسود من ايه ده
البنت: ده..........
وفقدت الوعي طلع محمد بسرعة علي اقرب مستشفي.
محمد بزعيق: انا عاوز ترول بسرعة.
جريوا الممرضات والدكاترة ودخلت البنت اوضة العمليات.
الرابع من هنا
