رواية روح الزين الفصل الثالث 3 بقلم منار جمال
في حي من احياء الجيزه بوجود ڤيلا يظهر عليها الرُقي والجمال والفخامه يبدا شخص في غايه الجمال بفتح عيونه العسلي ويبدأ في تأديه فرضه والبدء ف اختيار ملابسه للذهاب للمستشفي والتدريب المكثف له ويُدعي ب زين الورداني وإذ يأتي اليه باتصال تلفوني من صديق عُمره سليم.
+
زين: اي يبني فينك كده انا دقايق ونازل المستشفي
+
سليم: موجود يرجوله اهوه وانا سبقتك عشان عندي كشف طبي ولازم احضره بدري
+
زين بمزاح وتقليد صوت ناعم : ااه يا خاين يقاسي كده تغدر بيا عشمني بيه وغدر بيا
+
سليم بنفس الصوت: الجنين داا لاازم ينزل فاهمه
+
زين ببكاء مصطنع:الحقوووني يااا نااس عايز يسقطني بعد ما ضحك عليااا وعشمني بحبهه دانا هنفخك ف محكمه الاسره والمحاكم
+
ويتفاجئ زين بوجود اخوه ياسين
+
رد بصوت ناعم وتقليد صوت بنت:الحقوووني ياا نااااس بنتي حامل وانا معرفش يمراااري يمصيبتييي يالهوووووي
13
زين بصدمه:اي ياض صوت الحريم دا دانت طلعت عليك صوت أنوثي مش علي بنت
+
ياسين بتقليد نفس الصوت :لا يبيه ميغركش الهدوم دي احنا من عيله محافظه يبيه ومالناش ف الحرام بالحلاااال يمعلم بالحلال نتكلم مالك بيا خف شويه
+
زين بضحك:اخلص ياض من فقره النساوين دي وانزل ع جامعتك يلاا ورايا شغل
+
سليم:خدامتك تحت أمرك يا ابيه
+
_*ف ڤيلا الحسيني*
+
روح اتصدمت من كلام الشخص المجهول دا وفضلت تفكر ترد عليه ولا تعمل بلوك بس قالت لنفسها ازاي حد ميعرفنيش وقلق عليا كدا وحس ب اني مخنوقه باليل اكيد في حاجه غلط او دا مقلب وحد يعرفني وف الاخر ردت عليه.
+
روح:انت مين انت وبتتكلم كدا ليه انت تعرفني اكيد ولا مراقبني
واتفاجئت ب انو شاف الرساله ف نفس الثانيه
+
مجهول: هحكيلك بس طمنيني انتي كويسه الاول حد مضايقك ابوكي كالعاده صح
+
روح باستغراب:انت عرفت ازاي
+
مجهول:عشان انت روحي يروح بحس بيكي من قبل ما اعرف الل حصلك كل حاجه بتحصلك وحشه نغزه فقلبي بتجيلي وبحس بطيفك الل مش مفارقني لحظه
+
روح باستغراب:انا مش ناقصه تعب اعصاب وتوتر انت مييين عايزه افهم وعايز مني ايه
+
مجهول: انا مين دا مش وقته اما عايز ايه عايز قلبك.
+
روح اتصدمت من رده وافتكرت زين لما قالها ف الجامعه عايز قلبك واستغربت وضحكت ف نفس الوقت
+
مجهول:مبترديش ليه عيونه وضحكته سحرتك صح
+
روح بصدمه : هو مين
مجهول:الل شاغل بالك وخلاكي مترديش عليا
+
روح خافت وقعدت تبص يمينها وشمالها.
+
مجهول:انا مش جنبك ع فكره متدوريش كتير انا بس بفهم كل حركاتك وانتي زعلانه وانتي متعصبه وانتي خايفه زي دلوقتي وانتي فرحانه عارفه ليه
+
روح باستغراب:ليه
+
مجهول:عشان انتي روحي يا روح تعرفي ان اسمك بيدل ع شخصيتك "روح" روحك حلوه اووي وقلبك ابيض مفيش اجمل منو وكلوو كووم وهزارك وضحكتك الل مزوداكي جمال دي كوم تاني انا ان قعدت اوصف فيكي من هنا لاخر العمر مش هيكفي وصفك.
4
روح باستغراب:انت تعرف عني كل حاجه ازاي انت مين
2
مجهول:ف الوقت المحدد هتعرفي سلام وخلي بالك من نفسك كويس ومتتاخريش ع الجامعه زي امبارح هه ومحضرتيش محاضراتك
+
قفل وروح فضلت تفكر مين الشخص دا ازاي عارف عنها كل كبيره وصغيره ازاي بيحس بيها وفاهمها اكتر من نفسها كدا مين المجهول دا. قامت تصلي فرضها قبل ما تلبس عشان تروح جامعتها وخلصت وخرجت واتفاجئت بوجود اختها جوري
3
جوري:روح مالك عيونك حمره كدا ليه ووشك اصفر انتي كويسه.
+
روح:آه كويسه يقلب روح متقلقيش عليا ابقي بوسيلي ماما لما تصحي عشان لازم امشي ومش عايزه اتاخر ع المحاضره.
+
جوري:حاضر بس افطري الاول قبل ما تخرجي او اشربي اي حاجه مش شايفه وشك اصفر ازاي
+
روح بحب وحضنت اختها:قولتلك متقلقيش عليا وهبقي أكل اي حاجه ف الجامعه قبل ما ادخل متخافيش
+
جوري بقلق:طيب ابقي طمنيني عنك واول ما اخرج من المدرسه هتصل بيكي اطمن عليكي
+
روح:حاضر متنسيش تصلي فرضك قبل ما تمشي سلام
+
جوري: حاضر سلام
+
___________________________________
*ف الجامعه*
+
شله مجتمعه ما بينهم ياسمين ورزان بيضحكوا ويهزروا
روح وصلت الجامعه وماشيه تايهه وشافتها رزان
+
رزان:رووح قلبي فينك من امبارح هان عليكي ابو عيون عسلي تسيبيه وتمشي وبعدين بتصل بيكي من امبارح موبايلك مقفول ليه
+
ياسمين بقلق :مالك يا روح انتي تعبانه
+
روح بتعب:انا كويسه الحمدلله يبنات متقلقوش هروح اشوف حآجه اشربها عشان حاسه بدوخه
+
ولسه ماشيه وحست بدوخه ووقعت ف الارض وياسمين ورزان جريوا عليها بقلق وخوف اخدوها ع المستشفي لانها مكنتش عايزه تفوق ووصلوا علي هناك واتفاجئوا بوجود زين وهو بيجري ع روح
+
زين:رووووح فوقي مالك
+
ردت رزان وقالت: انت بتعمل اي هنا
واتفاجئت هي وياسمين بزين وهو بيشيل روح بين ايديه ومدخلها ونيمها ع السرير وكشف عليها
