رواية اغني فقيرة كاملة بقلم سمية خالد
-بابا إيه رأيك في الشنطة دي يابابا لسه جيباها النهاردة ،كل صحابي كانوا هيموتوا ويجبوها بس أنا لحقتها
=جميلة يا حبيبتي بكام دي بقي ؟
-ب 10000 جنيه بس تخيل !
=مستهونه بالمبلغ ومحسساني إنه عشرة جنيه !
-هو المبلغ اللي دفعته في الشنطة دي مبلغ ؟ وبعدين ما احنا معانا فلوس
=وافرض صحيتي في يوم لقيتي كل دة إختفي ؟ هتنزلي تشتغلي !
ضحكت بسخرية
- انا ندي هانم انزل اشتغل يعني اي شغل !
=يعني تعب وشقي عشان تجيبي القرش وتحسي بقيمته ،طبعا هتعرفي كل دة إزاي وانتي مولودة وف بوقك معلقة دهب ،بس معلش بكرة تعرفي قيمة كل جنيه بيطلع من جيبك
-بس أنا عارفة قيمته دي حتي الشنطة دي كان عليها discount كمان
=عمرك ماهتفهمي كلامي غير لما تكوني ممعكيش جنيه واحد
-تؤ مش هيبقي معايا انا جنيه واحد ؟ م ربنا فاتحها علينا الحمدلله ايه اللي هيوصلني انه ميبقاش معايا فلوس
=بالمناسبه صحابك اللي معاكي بمجرد ميبقاش معاكي فلوس هيبعدو عنك وقولتلك قبل كده مش برتحلهم ولا بينزلولي من زور
-ازاي بقي دول أكتر ناس بيحبوني وبيخافوا عليا وبذات ميرنا
=لما تتحطي في مِحنه هتعرفي مين صاحبك الحقيقي ومين كان مجرد موجود بياخد منك بس "
محمود خطيبي رن عليا طلعت الجنينه كلمته
-أيوة ي حبيبي
=طمنيني عنك عملتي ايه النهارده
-انا الحمدلله ، انا لسه جاية من الجامعة وانا جايه عجبتني شنطة انما ايه لذيذة لما نتقابل هوريهالك وبابا قاعد بيقولي ف كلام غريب من اول ما جيت الحمدلله انك كلمتني عرفت أهرب منه
=أممم ، طيب أنا كنت عاوز اكلمك في موضوع كدة فاضية ولا اي؟
-يارب مايكون نفس الموضوع
=أيوة هو ، ليه أستني سنه كمان عشان نتجوز ما الشقه موجودة وكل حاجة جاهزة
-انا لسه مش جاهزة أنا صغيرة خالص علي المسؤلية دي كلها إنت ليه مش فاهم ده
قال بلهفه
=مش هخليكي اصلا تعملي حاجة و...
-محمود انا قولت اللي عندي وهقفل دلوقتي عشان رايحة البيوتي سنتر ضوفري الصغير إتكسر بقي شكله وحش متخيل؟
كلمت ميرنا تجمع البنات بعد ما طلعت من البيوتي سنتر عشان نتقابل في الكافيه اللي بنتقابل فيه كل مرة
رفعت راسي بإبتسامه وكِبر
-بنات مقولتوليش اي رأيكم في الشنطة الجديدة 10000ج تستاهل؟
بصو لبعض بنظرة زهول وقالت ميرنا
_وااااوو جميله أوي
مريم بصتلي ب إستغراب
=بس مش جبتي اتنين الإسبوع اللي فات
-اه بس دي عجبتني مقدرتش ابعد عيني عنها الصراحه ولا انتي إيه رأيك يا فريدة هي الشنطة اللي معاكي دي قولتيلي بكام؟
بصتلي ب إبتسامه كلها رضا ..
=الشنطة اللي معايا ب 70ج
بصيت للبنات وقعدنا نضحك عليها
-ليه جيباها من الشارع
=لأ جيباها من العتبه إيه رأيك
-يعني إيه عتبه اي الكلام اللي بتقوليه ده كنتي قوليلي وأوديكي
المكان اللي بجيب منه
بصيت لمريم بصدمه
-اوووف نسيت انها ممعهاش مبلغ الشنطة اللي معايا
فريدة ميلت دماغها بحُزن في الأرض
=علي الأقل مش بعاير حد ولا بتنمر أهلي ربوني علي كده
-فريدة إنتي زعلتي مني ؟ انا بهزر معاكي
=لا وهزعل ليه هستأذن أنا عشان إتأخرت
مشيت فريدة وحقيقي مشفقه علي سذاجتها ف كل حاجه فاهمه الدنيا غلط
_ها بقي ياست ندي ال weekend الجاي هتودينا فين؟
=اي رأيك نطلع شرم ؟ أو دهب
إتنططت علي الكرسي بحماس وسقفت
_دهب ،هموت وأروح دهب بس....
=بس إيه ؟
_أصل ماما قفلت الڤيزا بتاعتي ك عقاب عشان أذاكر
مسحت علي شعرها
وممكن متدهاليش دلوقتي وتقولي خدي من أبوكي وأنا مش عاوزة منه حاجه انتي عارفه و.....
=عشان الفلوس يعني ؟ ياستي العزومة دي عندي فلوسي هي فلوسك ماتشليش هم
حضنتني بُحب وفرحة
مش هنكر إني قعدت طول الليل أفكر في كلام بابا
اللي أنا أصلا مش فاهمه سببه إي؟
كنت بقلب في التليفون
وه ، ده الدريس اللي كانت الممثلة الأجنبية چويس لبساه
بكام بقي
نزلت أشوف سعره لقيته ب6000 دولار ومش متواجد منه غير قطعتين
طلبته وانا مبسوطه إني أخيراً لقيته
حطيت تلفوني علي الشاحن ونمت
أنسه ندي هتفطري هنا ولا في الجنينه تحت ؟
فردت شعري ل ورا وسندت ضهري على المخدة
- إعمليلي قهوة الأول وحضريلي الفطار في الجنينه
مش هنكر إني مفيش مرة بصيت علي حاجه عجباني ومجبتهاش
لأني معايا فلوسها ، الفلوس بالنسبالي ممكن تجيبلي أي حاجة
هي اللي هاتجبلي الأكل اللي انا نفسي فيه
هي اللي هاتجبلي الفساتين والشاليهات اللي بشتريها
مفيش حاجه الفلوس مبتشتريهاش...وكداب اللي يقول غير كده
او بالأصح هو إنسان ساذج وغبي زي ...زي فريدة صاحبتي
_ندي يلا نطلع المحاضرة الإمتحانات قربت لازم نركز
=ما....
ميرنا جت ميلت دماغها علي كتفي انا وفريدة
وقالت بحماس
- ندي متفقناش هنطلع دهب إمتي
إبتسمت ل ميرنا وبصيت ل فريدة
=تعالو نروح الكافتيريا نطلب حاجه ناكلها ل أحسن ميته من الجوع مش فطرت خالص سبت الفطار في الجنينه عشان افطر معاكم
يلا وبالمرة ونتفق هنطلع إمتي
إلتفتت يمين وشمال بتوتر وقالت
_انا هطلع المحاضرة ، القبض بتاعي خلص وبعدين مش عاملة حساب اني هاكل عشان هجيب ملزمة الدكتور
قعدت أضحك أنا وميرنا بسخريه
-هتضحي بأكلك عشان ملزمة ؟
=طيب تعالي وأعزمك عادي
_لأ شكراً ، أموت من الجوع ولا أخليش حد يعزمني
=طيب اي ده رايحة فين نسيت أسألك انتي مش لبستي الدريس ده كذا مرة لي مش رمتيه او جبتي غيرو موضته من أيام ante ههههههه
قعدنا نضحك أنا وميرنا علي فريدة عينها كانت مرغية وعلي وشك العياط
-انا مش عاوزة اعرفكم تاني انا خسارة افضل مع ناس زيكم بس ربنا مش هيسيب حقي
مشيت وسابتنا وكملنا ضحك
مش عارفه اي عزة النفس اللي عند فريدة دي المفروض واحدة زيها فقيرة ممعهاش فلوس كانت وافقت أعزمها
-يلا ي ندي بقي نروح الكافيتيريا جعانه هكلم محمود وعمر يستنونا هناك بس بقولك اي هتعزميني النهاردة عشان زي م إنتي عارفه ماما قفلالي الڤيزا بتاعتي
=ماشي ..ماشي
روحنا الكافتيريا وكالعادة محمود بيضايقني
-مفكرتيش في الموضوع اللي كلمتك فيه إمبارح
انا بحبك ومش قادر أعيش من غيرك إنتي ليه مش فاهمه ده، انتي أنانية جدا علي فكرة
=أنا أنانيه ؟
-اه بتفكري فنفسك وبس لكن مفكرتيش انا عامل ازاي بسببك
=م انت كمان بتفكر في نفسك ف اللي انت عاوزو مفكرتش انا هرتاح في ايه مين فينا اللي أناني ؟
-طب معلش تفكري تاني بليز ي روحي
مسك إيدي بحُب
=إن شاء الله
حضرت شنطتي وكلمت ميرنا عشان هنتقابل 7 الصبح عشان نلحق اليوم من أوله
كنا مبسوطين
كنا مبسوطين دي كلمة قليلة لدرجة فكرت في كلام محمود ف موضوع جوازنا وانا لسه ف تالته كلية
=محمود انا موافقة أتجوزك
قام من علي الكرسي بفرحة وهو بيتنطط
مسك إيدي جامد وفضل يلف بيا
-بجد ، أخيراً انا فرحان اوي أول ما نرجع من دهب هكلم والدك
بصيتله من فوق لتحت ب إبتسامة كِبر
= أه بس علي شرط
-إطلبي اللي انتي عوزاه كل شروطك هتتنفذ بالحرف
قعدت بأريحيه علي الكنبة وحطيت رجل علي رجل
=فاكر الخاتم الألماظ اللي كان عاجبني من يومين من باريس أنا عوزاه
مسح علي رقبته بربكه
-أيوة ياحبيبتي بس ..
ده داخل في 6مليون جنيه و...
=و ايه؟ هو كتير عليا مستاهلش مثلا بص ده شرطي اوكاااي يإما مش هنتجوز
-لا ..لا موافق خلاص مبروك علينا ياحبيبتي
لحد ما جالي تليفون من كرم محامي بابا
=أيوة ياأنكل كرم في حاجه
سكت دقيقتين وهو بياخد نفسه بالعافيه
-أأأ ...الحقي يابنتي ابوكي مش قادر ياخد نفسه كنا قاعدين بنتكلم وفجأه مبقاش عارف ياخد نفسه احنا دلوقتي ف مستشفي "العالميه " حاطينه علي أجهزة
التليفون وقع من إيدي
=محمود بابي في المستشفى لازم نرجع بسرعه ...بسرعه انا خايفه يحصلو حاجه
إتصدم وجري علي الفندق لم الشنط وكلمنا ميرنا وعمر يسبقونا علي العربية
وصلنا المستشفى بعد ٣سعات
كنت بجري في الطرقة وانا حاسه بتوهان أول مرة أخس اني خايفة يحصل حاجه لبابا
أنكل كرم كان قاعد في الأرض وحاطط إيديه ب إستسلام
=أنكل كرم ببب..بابا فاق هو فين ف أني أوضة
-البقاء لله ، والدك مات بأزمة قلبية
=لا لا بابا فين هو مامتش مات ازاي ده لسه كنا بنتكلم إمبارح
لفيت ضهري بصيت لمحمود وميرنا
=بابا ماماتش صح
أنكل كرم بابا كان صاحبك كان بيثق فيك انت مخدتش بالك منه ازاي ده كان بيديك فلوس قد كده
بصلي بأسف
-صدقيني كنا قاعدين بنتكلم وندردش عادي مكنش حاسس بتعب هي صحوبيتنا بالفلوس يابنتي الله يرحمه
=انتو كلكم كدابين بابا ماماتش ده فيلم هه ! فيلم صح بابا كان زعلان مني قبل مايسافر انا ملحقتش أصالحة ملحقتش أخليه فخور بيا
محمود وميرنا قعدو يطبطبوا عليا ويهدوني
كان وجودهم زي عدمه مكنتش حاسه بحاجه غير بحُرقة فقلبي شديدة أوي ، هو موت الأب ده بيتهون عليه بطبطبه ولا بكام حضن ؟ حتي العياط مش هيرجعه
أأأهه يابابا اااه سبتني لمين انا معنديش حد دلوقتي أروحله انت وماما سبتوني معنديش حد أفضل عشانه
مرضتش أشوفه لو شوفته هنهار أكتر كنت فاكره إنه هيفضل دايما معايا كنت فاكره إنه مش هيمشي بس دي دنيا فانية
حضرت جنازته اللي منزلتش فيها ولا دمعه
كل صحابي كانوا موجودين
لقيت إيد بتمسك إيدي
لفيت وشي كانت فريدة خدتني في حضنها وطبطبت عليا
-البقاء لله يا ندي هو في مكان أحسن بكتير
" بعد مرور أسبوعين "
=أنكل كرم أتفضل ..أتفضل
-مش عارف الوقت مناسب ولا لأ ، بس من حقك تعرفي وصية أبوكي اللي موصيني أسلمهالك لو ... لو حصله حاجه
بصيت بتوهان وحزن
=وصية ؟ هو أكيد كاتبلي كل حاجه انا وهو مكانش لينا غير بعض و..
-إتفضلي إستريحي وهنعرف اللي في الورقه حالاً
قعدت علي الكرسي وقعد علي الكنبة اللي قصادي
ولبس النضارة وبدأ يقرأ
أقرً أنا سليم عبدالعزيز وصيتي بنقل جميع ممتلكاتي وما أملك للجمعية الخيرية ونصفها لأقاربي الذين في بيروت
والڤيلا التي أعيش بها مع إبنتي ندي قد باعت منذ عدة أشهر يستلمها المشتري عندما لم أعد موجوداً في هذة الحياة ،وليس بصِلة لندي إبنتي في ما أملك بتاتاً
