رواية صبر عاشقة الفصل الخامس 5 بقلم روما

رواية صبر عاشقة الفصل الخامس 5 بقلم روما 

شعر فارس بالدوار هل لهذا الحد... هناك شئ خاطئ حسنا لن أذهب لها وأقتلها الأن إن فعلت سأطلقها وترجع هى لحبيبها هذا.. لابد أن يحترق قلبها قبل قلبه،،

،، مر الشهرين يرسم دائما لها الحياه الورديه يسمعها من الكلام ما لذ وطاب يوطد علاقته أكثر بلارا أصبح يرى جنه بارعة فى التمثيل حتى على أهلها سألها مرارا وتكرارا هل لكى أخوه بالرضاعة أجابت لا.. إذن ليس أخيها. سأل والدها عن اخوته ليس عنده غير من يعرفهم إذن ليس عمها.. وسأل والدتها إذن ليس خالها من يكون ليس هو إلا حبيبها إذن،،

فارس.. ها يا نونتى جاهزه للفرح

جنه.. إن شاء الله أنا مبسوطه أوى

فارس.. مش أكتر منى بصى بعد الثوانى علشان نكون مع بعض

جنه..هتيجى معايا وأنا بجيب الفستان

فارس.. لا لا مش هينفع روحى مع رشا وشهد

جنه.. خلاص اووووك مع السلامه

فارس.. سلام

،، أغلق معها الهاتف وهو يتوعد لها يفكر كيف سيريها العذاب بجميع أشكاله،،

،، أغلقت معه الهاتف وهى فى قمة سعادتها ترسم حياتها الورديه،،

شهد.. إنتى كل ماتكلميه و تقفلى معاه تسرحى كدا

جنه.. بحبه أوى ياشهد إدعيلى ربنا يتمم لنا على خير

شهد.. إممممم ماشي يارب ياختى سلام

جنه.. إستنى إستنى إنتى راحه فين

شهد.. راحه كورس

جنه.. وايه اللى إنتى لبساه دا

شهد.. ماله اللى أنا لبساه

جنه.. من إمته بتخرجى كدا ايه اللبس دا وايه ريحة البرفان دى

شهد.. يووووه ياجنه من حقى أفوك شويه

جنه.. دا مش تغيير لبس بس دا تغيير لهجه وتفكير وكله

شهد.. بصي ياشهد أنا مش وحشه علشان أدارى نفسي باللبس الواسع دا أنا حلوه ومن حقى أعيش حياتى وعلى فكره كل البنات كدا واللى أنا عملاه دا أنا أكثرهم إحتراما كمان إيه يعنى بنطلون وخصلتين شعر وبرفان فى اللى بنطلون لازق على جسمها واللى نص شعرها برا واللى بتبين أجزاء من جسمها كمان

جنه.. اااه طب إسمعى ياشهد هقولك اللى ربنا والرسول أمرونا به وإنتى حره بعدها الحجاب فريضة ربانية على المرأة، والمقصود به اللباس الذي يُغطي جسم المرأة كاملاً أو مع كشف الوجه والكفين، وهو اللباس الذي تخرج به المرأة أمام الرجال الذين لا تربطها بهم أي صلة تحريم؛ كابن العم، وابن الخال، وابن الجيران، وغيرهم من الرجال الأجانب على المرأة المسلمة. غاية الحجاب جاءت آيات قرآنية تُفصل شروط الحجاب الشرعي، وتبين حدوده، وتقدم قواعد شرعية عامة للمسلمات حول لباسهنَّ، وكيفية خروجهنَّ من بيوتهنَّ، ففي قول الله تعالى: (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا) بيان واضح بوجوب ستر الزينة، وعدم إظهار شيء منها أمام الأجانب، أما في قوله تعالى: (وَلْيَضْرِبْنَ بِخُمُرِهِنَّ عَلَى جُيُوبِهِنَّ) [ يوجد دليل واضح على ضرورة تغطية المرأة لشعرها، حيث غطت الصحابيات شعرهنَّ. يعنى ياحبيبة أختك غاية الحجاب هي الحفاظ على كيان المرأة المسلمة وعفتها، وسترها عن أنظار الرجال تفادياً لوقوع الآثام والمشاكل الحياتية، ولتحقيق هذه الأهداف بيَّنت الشريعة الإسلامية مواصفات الحجاب الشرعي في الإسلام، أهمها أن يكون ساتراً لجميع البدن: يجب أن تحرص كل مسلمة على أن يكون حجابها ساتراً لجميع جسدها حتى تبتعد الأنظار والشبهات عنها، وتقطع الطريق أمام المفسدين الذي يتلاعبون بالنساء من أجل مطامع شخصية عديدة. ألا يكون الحجاب في نفسه زينة: الغاية من الحجاب هي الستر والعفة، فإذا كان بحد ذاته زينة مثيرة؛ كأن تكون ألوانه جذابة، أو عليه رسومات فاتنة سيفقد مواصفات الحجاب الشرعي الصحيح. أن يكون واسعاً غير ضيق: اللباس الضيق يفصِّل جسم المرأة تفصيلاً كاملاً ويُظهر ملامح مفاتنها، وهذا كله يعلق نفوس الرجال، ويزيد طمعهم فيها، لذلك إذا لم يكن لباس المرأة فضفاضاً فهو من التزين والتبرج المنهي عنه. أن يكون صفيقاً لا يشف: من المهم ألا يكون اللباس شفافاً يظهر ويبرز لون جسدها، أو بشرتها، لأن ارتداء اللباس الشفاف أشبه ما يكون بالعري. ألا يكون مبخراً ولا مطيباً: وردت أحاديث نبوية كثيرة تُحرِّم على المرأة المسلمة أن تخرج من بيتها متعطرة؛ لأن رائحتها قد تحرك الشهوة عند الرجال. ألا يشبه لباس الرجال: لا يجوز أن تتشبه المرأة بالرجال مطلقاً وبشكلٍ خاص في اللباس. أن لا يشبه لباس الكافرات: تشبه المرأة المسلمة بالمرأة الكافرة في لباسها يدل على خضوعها، ورغبتها بمبادئ الكافرين، ومنافاة أحكام الشرع وقواعده في موضوع اللباس، فكيف يُمكن أن يرضى الله عز وجل عن امرأة تابعة لأشخاص لا يؤمنون بالله ونبيه واليوم الآخر. ألا يكون لباس شهرة: والمقصود بلباس الشهرة هو أن ترتدي المرأة ما يلفت أنظار ووجوه الناس إليها بهدف الشهرة، وكسب قلوب الآخرين، وخاصة الرجال.
شهد انا كدا قولت لك اللى ربنا أمرنا به أنا عارفه إنك بتشوفى بنات كتير بتخررج كدا وبيبقى نفسك تبقى زيهم إنتى فى سن مراهقه وكلنا مرينا بدا بس صدقينى قدام ربنا إنتى غيرهم واللى انتى عاوزه تلبسيه إلبسيه هنا فى بيتك أو تصبرى وتلبسيه لزوجك اللى ربنا هيرزقك بيه يعوضك عن كل كلمه ونظره إتمنتيها من حد

شهد.. بجد ياجنه إنتى مريتى بدا بصى أنا حاسه إنى مش مرغوب فيا دا فى ناس بتتجنبنى واللى يقولى مش بتحطى حاجه على وشك ليه واللى تقولى انتى جايبه لبس مش مقاسك انتى فهمانى ياجنه

جنه.. بصى ياحبيبتى صدقينى أنا اللى إنتى فيه دا هما بيتمنوه نفسهم يكونو كدا فى ناس لما مش بتعرف تعمل زيك بتحاول تخليكى زيهم علشان تحس ان الكل كدا بس إنتى اللى المفروض تبقى أقوى إنتى اللى المفروض تجذبيهم للى إنتى فيه مش هما اللى يجذبوكى

،، ظلت شهد صامته تفكر إلى أن أخذتها جنه بحضنها،،

جنه.. حبيبتى إنتى أحلى بنت وربنا هيعوضك باللى يسعدك شوفتى ربنا عوضنى بفارس إزاى بكرا ربنا يعوضك باللى أحسن منه

شهد.. لا للصراحه مفيش أحسن منه

جنه.. بت إتلمى وقومى بقى غيرى هدومك وظبطى نفسك وأشوف شهد أختى حبيبتى قدامى

،، قبلتها شهد.. ربنا يخليكى ليا.

،، ـــــــــــــــــــــ،،

لارا.. إنت مش كدا كدا هتطلقها وإحنا نتجوز يبقى أبسط حقوقى إنك تكتب كتابى قبلها

فارس.. أكتب كتابك إزاى وأهلى هقولهم إيه

لارا.. مفيش أى حد هيعرف

،، شعر فارس بالإختناق لمجرد التفكير أن لارا ستكون زوجته لم يكن هذا حاله مع جنه كان سعيد بكتب كتابه على جنه،،

فارس.. طب بصى أخلص الفرح والكلام دا ونكتب كتابنا بعد الفرح

لارا.. بس أنا

فارس.. خلاص بقى قولت لك بعد كتب الكتاب

لارا.. خلاص قوم نروح نختار البدله سوا

فارس.. بدلة إيه

لارا.. بدلة فرحك مفيش حد هيختارها لك غيرى وحياتى يافارس

فارس.. خلاص خلاص ماشي يلا بينا

،، ــــــــــــــــــ،،

عادل.. ياليلى تاسع فستان إخلصى بقى تعبت من اللف

ليلى.. فى ايه ياعادل عاوزنى أطلع مش حلوه يوم فرح أخوك ويقولو مرات فارس أحلى من مرات عادل

عادل.. ياحبيبتى اللى يقول يقول المهم إنتى فى عينى أنا إيه

ليلى.. لا طبعا عينك إيه أنا لازم أكون أحلى وأحلى من رشا كمان.. الله بص دا ياعادل

عادل.. شوفتى إنتى ثمنه دا بتسع ألاف جنيه

ليلى.. أيوه هو دا عاجبنى دا أوى

عادل.. ليلى انا مش معايا غير خمس ألاف جنيه

ليلى.. ياسلام وفين المشكله نجيبه ونبعت الفاتوره على باباك

عادل.. يابنتى إفهمى ابويا هو اللى بيصرف علينا لحد دلوقت نخلى عندنا دم بقى ونطلب بالعقل مش تسع ألاف فستان

ليلى.. ياسلام يعنى جنه مش هتختار فستان أقل حاجه خمسين ألف

عادل.. من فلوس جوزها يابنتى

ليلى.. اللى مع أبوك مش قليل ودا حقنا

عادل.. ياصبر أيوب ليلى إختار اللى تحبيه وأنا هتصرف خلصينا

ليلى.. أيوه كدا ياقلبى تسلم لى ياروح قلبى

عادل.. طب إدخلى جربيه ياروحى على ما أعمل مكالمه

ليلى.. اوك

،، هاتفيا،،

عادل.. زيزى ست الكل روح قلبى

زينب.. إيه الداخله دى خير

عادل.. حبيبك مزنوق فى عشر بواكى

زينب.. طبعا الشملوله دبستك صح

عادل.. خلاص بقى سيبك من الكلام دا

زينب.. إمممم وانا هجيب لك منين ياأخويا

عادل.. يازيزى عيب عليكى دا إنتى البنك المركزى بتاعنا

زينب.. ماشى ياأخويا

عادل.. هبعت لك فاتوره ع البيت إدفعيها ربنا يخليكى ليا ومايحرمنى منك أبدا

زينب.. ولا منك يانور عينى

،، بعد إغلاق الهاتف،،

عادل.. ايه ياقلبى فين الفستان

ليلى.. لااا انت مش هتشوفه غير يوم الفرح مفاجأه ياحبيبى

عادل.. اوووك يلا بينا

ليلى.. إيه دا مش دى رشا وجنه

عادل.. اه صحيح تعالى نشوفهم

رشا.. ايه دا ايه المفاجأه الحلوه دى يادوله

عادل.. بس يابت إزيك ياجنه

جنه.. انا الحمد لله تمام انت عامل ايه عامله ايه ياليلى

ليلى.. أنا تمام ياروحى كنا بنشترى الفستان عادل صمم يبقى معايا وانا بجيبه هو فين فارس مش جاي معاكى ولا ايه

جنه.. لا هو

رشا مقاطعة.. هو المفروض يشوف الفستان يوم الفرح مش من دلوقت هو قال لجنه تاخد الفيزا وتختار اللى يعجبها وقالى أنا كمان ان هدية فرحه فستان ليا أنا وشهد

إستشاطت ليلى غضبا..

ليلى.. يعنى إنتى هتختارى فستان بكام يارشا الأسعار غاليه أوى

رشا.. اه ما انا اختارت تخيلى يالولا ب 22 ألف

ليلى.. عادل عاوزه اروح بقى تعبت من اللف

عادل.. طب عاوزين اى حاجه ياجماعه أسيبكم على راحتكم

رشا.. عادل خد معاك الشنط دى روحها معاك عربية

عادل.. اه هاتى

،، انصرفت جنه رشا وشهد،،

فى السياره

ليلى.. شوفت شوفت واخدين الفيزا يجيبو اللى عاوزينه فستان 22 الف وحضرتك زعلان على تسع الاف

عادل.. ياستى مش جبتى اللى انتى عاوزاه

ليلى.. انا عارفه انا الحيطه المايله بتاعتكم ليه مفيش ليك فيزا ورصيد زى أخوك

عادل.. هنقول مليون مره فلوس فارس بتاعته شغله

ليلى.. يبقى المفروض مفيش ع الحجر غيرك انت اللى تاخد من باباك

عادل.. بابا مش مقصر معانا ياليلى شقه وعربيه وسفر وجواز من غير ما ادفع جنيه

ليلى.. يووووه روحنى ياعادل روووووحنى

،، ــــــــــــــــــــ،،

شهد.. بنات فى شباب ماشيين ورانا وكل شويه يقربو أكتر

جنه.. سيبك منهم واوعى تبصى

رشا.. لا تصدقى شهد معاها حق

جنه.. إنتو هتقلقونى ليه احنا فى مكان عام يعنى أمان

رشا.. عام يبقى أمان هو حد هيدخل الا بعد فضيحه

جنه.. خلاص انا خوفت تعالو نمشى

شاب.. تمشي على فين ياقمر

رشا.. قمر مين اتلم ياحيوان وابعد بدل ما اعملك فضيحه

شاب.. هو حد وجه لك كلام احنا بنقول للقمر دا

شهد.. جنه تعالى نمشي

شاب.. الله جنه هى دى بقى الجنه ونعيمها صح.. ما ترفعى وشك كدا أشوف الجمال

،، كاد أن يلمس وجه جنه ليرفعه له ولكن هناك يد سبقته ووضعت جنه خلفها عدد من اللكمات غير معروف عدده هرب باقى الشباب تاركين هذا الشاب لهلاكه،،

أحد الاشخاص.. خلاص يا أستاذ هو عمل لك حاجه إستطاع بعض الأشخاص تخليص الشاب من يده بعد اختفاء ملامحه خلف دمائه لم يرد على أحد ولم يعطى أسباب هرب الشاب سريعا فإلتفت لها
إنها فارسها

فارس.. حد لمسك

جنه.. برجفه وخوف.. أنا أنا

هبطت دموع عينيها كأنها نيران بقلبه لم يستطع صبرا إحتضنها أمام الجميع ليطمئنها شعرت بالأمان وبدأت تهدأ أما شعوره فكأن العالم من حوله إختفى لايرى غيرها لايهتم لنظرات أحد فهى اولا وأخيرا زوجته أغمض عينيه ليسرق من الزمن هذه اللحظات ربما لن تتكرر.. شعرت بالحرج أخرجت نفسها من حضنه ببطأ

جنه.. خلاص أنا كويسه

رشا مبتسمه.. ايه ياعم دا كله الواد معملش حاجه لكل دا

فارس.. انتى تسكتى خالص فين فونك حاجه زى كدا حصلت مش تكلمينى

رشا.. انت جيت إزاى صحيح

فارس.. احم انا.. كنت هنا مع.. كنت بشترى بدلتى

رشا... أهااا لوحدك

قام فارس بإمساك يد جنه والسير بجانبها كان يشتعل غضبا مما حدث فكرة أن هذا الشاب كان من الممكن أن يلمسها كانت تشعل قلبه لكنه ابتسم حين تزكر جنه بحضنه وها هى يدها بين يديه لأول مره لم يكن الحال مختلف عند جنه سعاده لا توصف بداخلها شعور بالأمان أنساها كل ماحدث خجلت مما حدث كثيرا لكن فرحتها كانت أكبر،،

فارس.. وانتى مالك ياحشريه لوحدى ولا لا
تعالو اختارو معايا بدلتى بقى

،، قامت رشا وشهد بالسير خلفهم ينظرون للمحلات بينما هو يسير بجانب جنه ممسك يدها،،

فارس.. بقيتى أحسن

جنه.. اه الحمد لله حصل خير إنت بهدلت الولد جدا

فارس.. انا لولا انه جرى وانا كنت عاوز اطمن عليكى كان زمانه بيدفن دلوقت

جنه.. ايه دا ليه كل دا

فارس.. ليه كل دا بس ياجنه اسكتى علشان انا لما بفتكر انه كان ممكن يلمسك بتجنن

جنه.. فارس أنا أنا

لارا.. ايه دا انت سبتنى ورحت فين 

السادس من هنا

تعديل المقال