رواية خادمتي الجميلة الفصل الحادي عشر والاخير 11 كاملة - لمياء يوسف
طلع وهو متشوق .يا تري هي عامله ايه دلوقتي .
و متحمس حاسس انها عاملاله مفاجأه.
جاسر فتح الاوضه
جاسر ب حاجب مرفوع : ايه دا !
ريم ببرود : ايه ؟
جاسر و راح قعد جمبها : انا كنت بحسبك عملالي مفاجأه ولا حاجه و خبط كتفها ب كتفه ب حنان
ريم ببرود : ليه ! لما اصحي صباحيتي و الاقيك مش موجود و معاك واحده تحت لابسه اللي انا ملبستهوش ليله فرحي و بصتله بتريقه
جاسر بضحكه رجوليه : يبقي العيب عليكي
ريم بغضب : متقوليش كده
جاسر بهدوء : خلاص معلش
ريم : لا ..اتأسفلي
جاسر بحاجب مرفوع : نعم !
ريم بصتله بغضب
جاسر بطفوليه : مبخافش
ريم عرفت ان العنف مش هيجيبه .عمر العنف ما يجيب الراجل
ريم كانت مدياله ضهره
قامت غيرت اتجاهها ل جاسر
و قالتله بصوت هادئ ناعم.و دلع : جاسر انا بجد زعلانه منك .
جاسر بصوت حنون : ليه بس !
انا عارف اني غلطان و مكنش ينفع اسيبك و انزل المكتب .بس كان ف حاجه ضروري اخلصها
و مسك وشها ب ايده وقال بصوت ناعم. و متزعليش ياستي .هصالحك اهو و همممم
ريم بعدت عنه بهدوء و هي بتضحك بخجل
ريم بصوت رقيق. هو انت حياتك كلها بوس
جاسر لا والله .هو انا لحقت .انا لسه متجوزك من شويه ساعات
جاسر بصوت رجولي جذاب : ف ساعه زهقتي مني !
ريم بصوت انثوي وقربت عليه مسكت خدوده وقالت بأنوثه. لا طبعا يا قلبي
جاسر هممم
ريم بعدت تاني بتذمر طفولي
جاسر بصوت رجولي. لا بقا .شكلك هتتعبيني معاكي
ريم قربت تاني وحطت ايدها ع وشه وقالت بنعومه. لا يا روحي .مش تهون عليا
جاسر بصوت رجولي. لا والله
ريم بنفس النعومه. ايوه. هممم
جاسر بعد عنها وبعناد طفولي قال. ايه انتي حياتك كلها بوس .اتهدي بقا
ريم ف سرها : ايه الراجل دا .بحايل فيه و مش راضي يلين و لا هما الرجاله بيلينوا من جوا بس مش بيبينوا .
ريم بأنوثه. لا موش هتهد
جاسر ضحك بهدوء
ريم وهي بتلعب ف هدومه قولي يا جاسر .هو لما يبقي عندنا بنوته و تزعل منك .هتصالحها ازاي
جاسر بصوت رجولي. هبوسها
ريم لا والله ...طب ولو زعلانه اوي .
جاسر بمزاح هبوسها اوي
ريم. اصل ف اطفال بيفضلوا زعلانين .انت كده مش هتعرف تصالحهم
جاسر بصوت رجولي. هفضل ابوسها لحد ما تصالحني
ريم. تصدق انت رخم
جاسر بزعل. اوك
جاسر. وبعدين انا بناتي عمرهم ما هيزعلوا مني ولا هزعلهم ابدا .هي بوسه واحده بس من خدها و هتسكت
ريم. انا مش مقتنعه
جاسر بتفكير. ما انا هشيلها بقا و اقعد احايل فيها و انيمها ف حضني و كده
ريم بتمثيل و تذمر طفولي : طب وانا ؟
جاسر وقرب منها. انتي حبيبتي .
........
.
...
بعد فتره
جاسر دخل الحمام ياخد شاور
و ريم قاعده بترتب الاوضه
فجأه موبايله جاتله رسايل تقريبا .
ريم حاولت تفتحه .معرفتش الباسورد
حطته بهدوء
وراحت قدام باب الحمام اللي ف اوضتهم
ريم بمكر و رقه : خلصت !
جاسر كان جوا و ضحك لما سمع صوتها و فهم تلميحاتها
جاسر بصوت رجولي : ثواني هفتحلك الباب
ريم برقت و اتصدمت وقالت بدون تفكير : ايه دا .انت ما صدقت !
و جريت من قدام الباب
ف ضحك جاسر بضحكه رجوليه قويه .
دايقت ريم و حست ب انتصاره عليها
او يمكن علشان رجولته دايما تنتصر ع انوثتها
او
ممكن علشان انوثتها دايما بتخضع ل رجولته
ريم ضحكت و راحت تقف ف البلكونه اللي ف الاوضه
و تبص ع المكان حواليه .قد ايه كان جميل .
فجأه جاسر طلع من الحمام و دخل الاوضه ب طوله و هيأته الضخمه
بص ملقاش ريم
جاسر بنبره صوت متحيره : ريم
ريم راحت ناحيه الاوضه بسرعه اول ما سمعت صوته .
ريم ب رقه. ايوه يا قلبي .انا هنا اهو .
جاسر و رايح عليها و قالها.عجبك المكان !
ريم جريت ناحيته بسرعه : استني يا جاسر هتستهوي
و قفلت البلكونه و الستاره
وراحت ع الدولاب و بدأت تطلعله هدوم ع ذوقها
و جاسر واقف ف منتهي الرضا
ريم ب نعومه : اتفضل يا قلبي
جاسر بابتسامه هاديه تنم عن سعادته : تسلميلي
ريم : استني هتعمل ايه
جاسر بحيره : هلبس .ايه ناويه تقوليلي هطلع استني برا ع ما تلبس .
ريم بدلع : لا طبعا .دا انا هلبسك ب ايدي
جاسر بسعاده : وااااو. ...ياريت
ريم بحنان : بس كده يا قلبي .عيووووني💋
جاسر وهو مستسلم ليها
جاسر بصوت هادئ : عجبتك الفيلا !
ريم بسعاده : ايوه .اوي .بس انا بردو مش فاهمه .فين مامتك و جوزها
جاسر : ف فيلا تانيه.دي الفيلا القديمه اللي كنت عايش فيها انا و باباب و يسرا
بس اما بابا مات .و بعدين يسرا راحت اتجوزت رامز الواد الفرفور دا .
انتقلوا ف فيلا جديده .ف
قلت احسن و قعدت اجدد شويه ف فيلا بتاعت بابا
و قررت اتجوز فيها
و من ناحيه كنت مخنوق من اللي يسرا عملته
ف صديقي اقترح عليا الشقه الفاضيه اللي ف عمارتكم .
ريم : اهاااا .بس لحقت تجددها !
جاسر : ايوه وليه لا .حتي انا قلتلك لما كنتي ف شقتي .
شهر العثل عدي خلاص بقا
الروايه دي تعبتني اوي
ندخل ف المشاكل بقا علشان بحبها
جاسر كان ف الشغل بتاعه .و فجأه ريم وحشته .ف رن عليها .
جاسر بحنان : حبيبي !
ريم بلخبطه : ايوه ...ايوه يا جاسر
جاسر بحب : وحشتيني اوووووي ..مووت
ريم بإبتسامه هاديه تنم ع السعاده : قد ايه !
جاسر وهو بيضحك : بحبك قد الدنيا
ريم : لا والله. فجأه جاسر سمع دوشه و ناس كتير.
جاسر بصرامه : ريم ايه الدوشه دي
ريم بلخبطه : اصل. اصل مفيش
جاسر بصوت رجولي: لا والله .اصل مفيش
جاسر بقوه : انتي فين يا ريم !؟؟
ريم بإستسلام : خرجت مع بسمه نجيب شويه حاجات
جاسر بصوت رجولي صارم ؛: انتي استأذنتي مني !
ريم بإندفاع هادئ : انا ملحقتش والله و كنت عاوزه اقولك بس ......فجاه لقت جاسر قفل الفون ف وشها
ريم حطت فونها ف شنطتها ب حسره و زعل ع زعله .
بعد ساعتين
جاسر رجع من الشغل ع البيت
ريم كانت وقتها وصلت البيت و اول ما سمعت صوت عربيته .جريت بسرعه من اوضتها ل قلب الفيلا
جاسر خرج من العربيه و إندفع بسرعه ناحيه اوضه مكتبه اللي تحت
ريم بصوت شبه عالي : جاسر !
جاسر اول ما سمع صوتها .مشي بسرعه اكبر لحد ما وصل و مش اداها اي اهتمام
ريم جريت وهي بتحايل فيه : استني بس .هشرحلك
جاسر دخل جوا و قفل الباب و بدأ يقلع الجاكيت بتاعه بغضب و قعد ع المكتب وهو بيتنفس بعمق من كثره الغضب .
ريم قربت ع الباب وقالت بصوت ناعم : افتح يا جاسر.بقا كده مش عاوز تفتحلي
جاسر بصوت غاضب : بلاش .علشان لو فتحت هزعلك مني جامد
ريم بدلع : ههون عليك !
جاسر : مش وقته والله دلعك دا .انا بجد مخنوق
ريم بإندفاع : ليه يعني كل دا
ريم حست فجأه وهي سانده ع الباب ان ف صوت كرسي بعنف و ف اصوات خطوات قدم قويه
ريم خافت ف لسه هتتحرك و تجري من قدام الباب
لقت اللي فتح الباب و قفشها من شعراتها
ريم بخضه و صراخ و فضلت تتذمر بصوتها
ريم خلاص يا جاسر خلاص انا اسسسسفه بس سيبني
جاسر دخلها ع جوا و زقها بعنف هادئ ع الكرسي ووقف قدامها و ايده ف جمبه و دا طبعا بعد ما قفل باب المكتب .
ريم انكمشت ع الكرسي و حاولت تقعد قاعده الشطار و الهاديين علشان جاسر يسامحها بسرعه و يرضي عنها .
جاسر بغضب : هو ايه اللي ليه يعني ...و ازاي تخرجي من غير ما تطلبي مني !!! ايه ....ملكيش راجل تستأذني منه ؟؟؟
ريم بزعل طفولي: متقولش كده
جاسر بغضب : لا والله .ما هي معناها كده
ريم بصت ف الأرض و بدأت تدعك ف ايدها
جاسر بغضب. : اعمل ايه فيكي دلوقتي
ريم بصتله نظرات زعل وهو بيبصلها بقسوه
جاسر : ماشي يا ريم انا مش هتكلم معاكي .بدال مش عاوزه تفهميني حصل ايه .و راح قعد ع المكتب وهو زعلان وحاول يلهي وقته بالشغل
ريم بنعومه انا اسفه بجد .مجاش ف بالي أسالك
جاسر بصوت حزين : تمام .ما دا بردو يدل ع الحب و بصلها بتريقه
ريم قامت وقفت وراحت عليه ووقفت جمب الكرسي بتاعه و قالتله بنعومه : متقولش كده
جاسر ........
ريم و ايدها ع شعره : هتفضل زعلان مني !
جاسر :........
ريم بصوت حزين : مش هعمل كده تاني .انا اسفه
جاسر .........
ريم بعتاب : جاسر بطل قسوه بقا
و جاسر كل هي ما تقرب منه .يبعد عنها
ريم بتذمر : كده يا جاسر ،؟
جاسر .........
ريم بنعومه ؛: طب تعالي نطلع اوضتنا و بدات تملس ع شعره بحنان
جاسر ...............
ريم بصوت باكي : اووووف .خلاص بقا يا جاسر .دا انت متعب اوي .اوف بقا
جاسر بصرامه : اتفضلي اطلعي ع اوضتك ولما احتاجك هناديلك
ريم بغضب لا والله وانت ناوي تنام هنا كمان
جاسر بتحذير. ريم اطلعي
ريم بغضب لا مش هطلع هه و هتصالحني و دلوقتي حالا
جاسر ...........
ريم بدأت تضرب فيه و تشهق و تعيط من الغيظ
و جاسر بيحاول هادئ
جاسر فجأه قام و مسك ايدها الاتنين و قالها. بطلي بقا التصرفات الطفوليه دي
ريم بصت ف عيونه بعتاب ع القسوه دي
يم بصوت باكي : سيب ايدي
جاسر ياب ايدها
ريم مسحت دموعها و مشت من قدامه ب انهزام و زعل
و طلعت بهدوء ع اوضتها
و نامت بحزن ع سريرها
و بعد ثواني
دخل جاسر عليها الأوضه
لقاها نايمه ف منتهي الزعل و الحزن وسامع صوت شهقاتها
جاسر بصوت هادئ : ريم !
جاسر قرب عليها وقعد جمبها : انتي نمتي !
ريم بهدوء : لا
جاسر ملس ع شعرها وقال بحنان. طب خلاص متزعليش .
ريم وجهت جسمها ل جاسر وقالتله بصوت باكي :انا مش وحشه زيك علشان اتعبك معايا و حضنته
وقالت بحنان : خلاص مبقتش زعلانه
ف ضحك جاسر بهدوء و بدأ يملس ع ضهرها و شعرها بحنان .
......
ريم بنعومه وهي ماسكه فيه : رايح فين
جاسر بأسف : هنزل المكتب اظبط شويه ورق
ريم بتذمر : مليش دعوه
جاسر : خلاص حقك عليا و باسها من راسها بحنان
ريم قامت بغضب و بدأت تساعده بحب
جاسر حضنها و باسها تاني بحنان وبعدين مشي
فجأه موبايل ريم رن
ريم بتكاسل : ايوه يا بسبس
بسمه بغضب : شوفتي الخاين عمل ايه !
ريم بقلق: عمل ايه تاني
بسمه بغضب: بيكلم بنات ع الفيس وانا خلاص قررت انيل عشته و اقوله اني عرفت
ريم بزعل لا يا بسمه متعمليش كده
بسمه بغضب اومال اعمل ايه
ريم : استني هسأل جاسر .هو راجل و اكيد عارف
بسمه ماشي وانا هستني ردك
ريم حاضر هنزله اهو .باي
ف مكتب او اوضه جاسر
قاعد مندمج ف الشغل
فجأه ريم دخلت ب خطواتها الناعمه و شكلها الانثوي الهادئ الجميل
ضحك جاسر بسعاده
جاسر : ايه .ف ساعه وحشتك
ريم بنعومه : اه .اووي
جاسر بمكر : سلامتك من ال اه يا عنيا
ضحكت ريم
ريم قربت من جاسر و لفت ايدها حوالينه ف جاسر ارخي راسه بتعب ع جسمها
ف بدات ريم تعمله مساج
و جاسر قاعد ب ارتياح
ريم بقلق : ممممم. جاسر هو الراجل اللي بيكلم بنات ع الفيس .المفروض الست تعمل معاه ايه
جاسر بتساؤل : مش فاهم
ريم بهدوء : مش فاهم ايه
جاسر بصرامه : قصدك ع مين
ريم بطفوليه هو انت لازم تعرف يعني
جاسر بصوت رجولي. اكيد .
ريم بتأفف. محمد ياسيدي جوز بسمه
جاسر بحزن : ممم اها ..انا هتصرف معاه .
ريم : قولي بس .يعني المفروض بسمه تعمل ايه!
جاسر. : هتعمل ايه يعني
ريم بغضب : هو ايه اسمه دا .و جات تمشي من جمبه
جاسر مسكها و قعد ها ع رجله
ريم اوعي ابعد عني
جاسر. اهدي بس .زعلتي ليه
و مسك ايدها الاتنين و لفهم حوالين رقبته .
جاسر بصي يا قلبي
و ريم بصاله بإهتمام و ليه لا .ازاي تبقي عيونه قريبه اوي منها كده ومش تبصلهم
جاسر : بصي هي لو قالتله و صارحته .هو كده مبقاش هيخاف تاني
ريم بتساؤل : قصدك ايه
جاسر بتوضيح : يعني هي لو قالتله انها عارفه انه بيكلم بنات و بهدلته و زعلته .هو خلاص عرف اخرها ايه .
ريم بغضب : جاسر متجننيش
جاسر بهدوء : طب بصي
ممممممم
هو المفروض دلوقتي انه بيحاول يخليها متعرفش انه بيكلم بنات و هيبقي خايف طول الوقت
ريم بمقاطعه : لا والله .دا ع اساس انكم بتخافوا ؟
جاسر : بنخاف .معروف ان الست حساسه و مشاعرها مرهفه .ف بنخاف عليها
ريم بغضب ومسكته من خدوده. متتكلمش بصيغه الجمع .علشان انت مستحيل تتحط ف الموقف دا و الا هدبحك .اتكلم عنه هو
جاسر ضحك
طب بصي هي لو قالتله انها قفشاها و عارفه كل دا .هو كده هيبطل يخاف .ما هي خلاص عرفت لا و كمان هو بقا ف نظرها وحش .والحته دي هتزعله ف هتخليه يعاند اكتر و كمان هيبقي عرف خلاص اخرها ايه .انها هتزعقله و تهزءه وبس
و هيكلم بنات قدامها عادي
لكن لو هو حس انها معرفتش .هيبقي طول الوقت خايف .و خايف ع مشاعرها انها تزعل منه لأنه عادتنا بيكلم بنات علشان يخرج من ضغط الشغل مش علشان مبقاش يحب مراته .
ريم وهي بتبرق : يعني انت بتكلم بنات؟
جاسر بصوت رجولي :احنا قولنا ايه من شويه
ريم بضحك لا والله
و فضلوا هما الاتنيين يضحكوا
مره
كان جاسر و ريم معزومين عند بسمه و مروحين خلاص و خلصت العزومه
ف عربيه جاسر
جاسر بصوت رجولي : عجبتك العزومه
ريم بنعومه : ايوه اوي
جاسر : ايوه انتي هتقوليلي .دا انتي كنتي خرباها هزار مع محمد
ريم بضحك. ما هو اللي دمه خفيف
جاسر بصوت رجولي غاضب : لا والله .معلش
ريم بتضحك
جاسر : متضحكيش .انا كده بدايق اكتر
ريم مسكت ايده لا خلاص يا روحي .متزعلش .ومش تغير .انا بحبك انت
جاسر ب ثقه عارف بس مش عاوزك تهزري كتير
ريم ليه بقا
جاسر حبيبي انا عاوزك تبقي كتاب مقفول .مش اي حد يقرأه
ريم بصاله بإهتمام. مش فاهمه
جاسر بصي. .لو انتي هزرتي كتير و كده و مع اي حد .انتي كده هتبقي كتاب مفتوح و هيعرفوا اخرك .و هياخدوا عليكي اوي .و دي وحشه
انتي بنت .اتصرفي و اتكلمي بأنوثه و هدوء وقت الضحك اضحكي بهدوء وبلاش انتي تألشي .الا قليل .
ريم مممممم حاضر هحاول
جاسر حبيبي انتي
ريم بتساؤل. طب وانت عرفتني خلاص
جاسر ايوه طبعا عرفت كل تفاصيلك و حركاتك و عرفت قلبك و دقاته و عرفت كل حاجه
ريم بنعومه و دلع طب يلا بقا بسرعه علشان نوصل و غمزتله
ف فضل جاسر يضحك طول الطريق وهي تضحك ع ضحكته....
ورغم كل. حاجه
عاشوا بسعاده
عيشوا انتوا كمان بسعاااده
النهاية
